السلام عليكم
اول شي اخواني الي اقدملكم شرح لخاصية الرئعة الموجودة بالاصدار 4.2.1 وفوك فقط وهي خاصية Find My Iphone
الي تستخدم لتحدد مكان الاي فون مالتك او الاي باد مالتك الضايع او المسروق وتكدر تعرف مكانة وين بيا منطقة بالخارطة
وتكدر دزلة مسج وترزلة :D وتكدر تخليلة بي باسورد وبعد ميكدر يفتحة وتكدر همين تمسح كل البيانات الي بي
يعني بين قوسين راح يبتلي علـ عمرة من باكة
ملاحضة الموضوع حصري علـ مستر عراق دوت كوم
نخش علـ موضوع من البداية
اول شي مثل موضحت اني لازم اصدارك يكون 4.2.1 وفوك
وما يتعلق بالجيل بريك او لا لان البرنامج هو رسمي من شركة ابل
نحمل برنامج find my iphone وراح اخليلكم الرابط مالتة بنهاية الموضوع
ندخل علـ برنامج من spring board كما موضح بالصورة
ندخل اليوزر مالتنة والباسورد الي مشتركين بي بالاي تونز او حساب ابل بصورة افضل وندوس انتر
ورة مدسنة انتر راح يفتحلنة الصفحة الخاصة بالبرنامج ويطلعنة الخارطة ويدورنة الجهاز المفقود وموقعة وين بالخارطة
شوفوا هسة اني طلعلي جهازي وين وبيا مدينة وبيا منطقة مثل مشوفون طلعها مدينة بغداد وبمنطقة الكاظمية والله ابداع هذا البرنامج لو هيجي لو ميصير
اذا دسنة عل devices راح يطلع الاجزة المقترنة وية الحساب مالتك والفاتحة نت حاليا
هسة ندوس علـ علامة i الموجودة بصف الجهاز
هسة ورة مدسنة عل حرف i طلعتنة هاية النافذة
اذا دسنة علـ play sound or send message يعني نكدر ندزلة مسج خلي دوس عليها ونجرب
تطلعنة هاية النافذة نكتب المسج بيها
هسة الصورة واضحة اعتقد نكتب المسج وندوس send واذا خلينة on علـ play sound راح يدكلة وية الرسالة صوت
وراح توصل للشسمة الباك الجهاز :D مثل هل صورة
وطبعا راح يبلغك بان المسج وصل عن طريق البرنامج نفسة
هسة اذا رجعنة للقائمة الرئيسية الي هي هاية
هلمرة ندوس remote lock راح تطلع انة هاية الشاشة
ندخل الباسورد وندوس اوكي راح ينقفل الجهاز يم الباكة باسورد :D وبعد ميكدر يفتحة لو يطخ راسة بالحايط
واذا دسنة Remote wipe تطلع انة هاية النافذة
نكدر نمسح عل المحتويات الي بي من صور وبرامج واغاني وافلام ....الخ يعني راح يبتلي عل عمرة حتى مراح يتهنة بي
طبعا اذا دسنة علـ erase all data
وهذا هو خلص الموضوع
عندي شكم فقرة اوضحها علـ موضوع
الاجهزة الستخدمنت اي فون واي باد
لازم يكون الجهاز المبيوك داخل علـ انترنت الن تكدر تسوة الي شرحتة فوك
الجهاز ميحتاج تكون عامل جيل بريك لان البرنامج مثل مكلت رسمي من شركة ابل
لازم يكون جهازك المبيوك والجهاز الي راح تفتح بي البرنامج داخلات ثنيناتهن بنفس الاكاونت مال شركة ابل
يعني هسة اني استخدمت الاي فون مالتي كمثال جهاز ضائع والاي باد كجهاز كاشف ادور بي عل اي فون الضائع بنفس الاكاونت
اي سؤال اني حاضر
رابط البرنامج تحملة من الاي تونز تكدر مجاني
منقوووووووول للفائده
رد مع اقتباس
