جنت فاتح فيس عادي مثل كل يوم دا سولف ويه اصدقائي ومشغل اغاني طبعاً سمعت صوت اذان الفجر وجان اوكف الاغنيه لحد مخلص الاذان بس الغريب انه صوت الاذان بهذا اليوم جان غريب .!
ظليت مشدود لصوت الاذان وحسيت اكو شي غريب لحد مخلص الاذان رجعت شغلت الاغنيه وكملت ع الفيس بعد ساعه سمعت صوت صرخه بالشارع بس مو اي صرخه ..!
اعلى صرخه صوت سمعتهك بحياتي .
طلعت للشارع اركض حتى اشوف شكو ؟
لكيت الشارع مليان ناس و كلهم مستغربين ويباوعون للسما ومصدومين ..
باوعت للسما وسألتهم شكو شبيكم محد يجاوب عليه كررت السؤال اكثر من مره لحد ما جاوبتني امي وكالت ( ابني الشمس شرقت من الغرب وباب التوبه انقفل )
حسيت انه كل اجهزة جسمي وقفت بعد ما اكدر اتحرك بعد ماسمعت هاي الجمله
ظليت أركض مثل المجانين وميعرفون شيسوون ولا يهمهم مال ولا ابن ولا اب ولا ام .
بوقتهة اجه ببالي شي واحد وهو قوله تعالى
بسم الله الرحمن الرحيم
( يوم يفر المرء من اخيه وامه وابيه وصاحبته وبنيه لكل امرئ منهم يومئذ شان )
صدق الله العظيم
تخيلو .!!
تخيلو لو هذا صار بينه فعلاً
احنه ليش واثقين انه راح ندخل الجنه بدون صلاة ولا شي يشفع النه يوم القيامه
ماطول باب التوبه مفتوح يعني اكو امل ينصلح حالك والله يرضى عليك
تره الوقت ديمشي حاول تعمل شي لآخرتك
رد مع اقتباس
المشاركة الأصلية كتبت بواسطة zahraa altememi
