شنهو انتة مجاهد((بقلمي))
شنهو انتة مجاهد هذا منهو الكال
تسولف باالجهاد وتذبح أخوانك_
ياأسلام هذا أنته منة اتكون_
أليسمحلك تصافح ايد عدوانك_
أذا ألله اليوصي أبمبدئ الأسلام_
ابلم الشمل تربح يكثر ايمانك_
يل فكرك مشابه من فكر صهيون_
اليهود وكل زمرهم صارو اقرانك_
كالولك مجاهد صدكتهم ليش_
وبدم ألضحايا تحني بيبانك_
تدري انتة الأرهابي يرهب ألعدوان_
مو معناها تذبح أبن جيرانك_
شنهو انته تحلل حرمة الأسلام_
ابيا ميزان تحكم وينة ميزانك_
ميزان العدالة فقط بيد الله_
وقرآن الهداية شنهو قرآنك_
بيا قرآن تحكم انته جاي اليوم_
أبتفجير وقتل تتوحد اديانك_
شكد بطران انته ياعديم الذات_
باطل من اساسك حتى بنيانك_
لتكول آنة مسلم أنصحك لتكول_
يادين انتة تتبع وصف اركانك_
ياركن النزيه بدينك انته احجيه_
للدم انته تعبد دمك الخانك_
أذا نرجع الأصلك أنته اصلا هيج _
خليت النفاق ايصير سلطانك_
تدري انتة اشوصي الله بالقران
ألمؤمن من صدك بالشدة لو عانك_
ماكال الك أكتل يرتفع هاالدين_
بس كال الك تنصف تدخل اجنانك
# بقلمي اخوكم علي البدري الكيتاوي
رد مع اقتباس
المشاركة الأصلية كتبت بواسطة جوانه
