هنا

[الشاعر علي البدري]

مساجلة بالدارمي بيني انا اخوكم

الشاعر علي البدري والشاعر المبدع مؤمن نوري الموسوي
:::::::::::::::::::::::::::::::::::
علي البدري
الكلب لو ينساك اعتبرة مفقود
بس انتة يالمحبوب بكليبي موجود
""""""""""""""""
مؤمن الموسوي
دام الكلب يا خوي يسلملي كلبك
كلك محنه و طيب ماليك ربك
"""""""""""""""""""
علي البدري
كلك محنة وطيب يامنبع الطيب
بالخوة الك نيشان بس تنضر اتصيب
""""""""""""""""""
مؤمن الموسوي
خل نفترض انساك شتكول ابو حسين
يبقه النضر بجفاك لو تنعمي العين
""""""""""""""""""""
علي البدري
كلمن يكول انساك جذاب اكلة
والينسة مثلك زين شتضنهة سهلة
""""""""""""""""
مؤمن الموسوي
ما اكدر اني انساك عمي انت غالي
دوم انت تمشي وياي تشبه خيالي
"""""""""""""""
علي البدري
دوم انتة تمشي اوياي دومك على البال
دور ابكلبي وشوف تلكة انتة تمثال
"""""""""""""""""
مؤمن الموسوي
لا اني مو تمثال خويه انه ضلعك
كلبك صبح جواي ياهو اليطلعك
""""""""""""""""علي البدري
كلبي اوية كلبك دوم نفس الفصيلة
شكد ماكلت مشتاك كلش قليلة
""""""""""""""""""
مؤمن الموسوي
يا خويه اذا مشتاك بس مر علينه
لو قصرت الشبكات نكطعهه ادينه
"""""""""""""""""""""""
علي البدري
ماقصرت والله والنعم منك
بس ضرفي تعرف بيه يبعدني عنك
"""""""""""""""""
مؤمن الموسوي
يا ضرف ما معذور لازم تجينه
سويهه غلطه بيوم سير علينه
"""""""""""""""""
علي البدري
لازم اجي والله واتعنى ليكم
ما امشي عالرجلين روحي التجيكم
""""""""""""""""
مؤمن الموسوي
دز روحك ويه الريح بس دلهه بالدار
بالفرع لو شفناك ثق بدخل إنذار
""""""""""""""
علي البدري
والنعم منكم دوم اهل المضايف
كول وفعل والله مو بس سوالف
"""""""""""""""""""
مؤمن الموسوي
منك ثلثت انعام يا تاج راسي
تسلملي كلك طيب و انت اغبى ناسي
""""""""""""""""""""
علي البدري
كلك محنة وطيب كلك شهامة
واحجايتك دستور واكبر علامة

أعجبني

[فقار الكرخي]

الله الله على ترافة روحكم
دارميات روعة روعة
تسلم دياتكم يا رائعين
تحياتي الك وسلامي الى محاورك الرائع
ودي

[الشاعر علي البدري]

الله الله على ترافة روحكم
دارميات روعة روعة
تسلم دياتكم يا رائعين
تحياتي الك وسلامي الى محاورك الرائع
ودي

اشكرك حبيبي على روعة مرورك واسعدني تواجدك دمت بود حبيبي الغالي