خذت گلبي ورحت ....... بجروحي ما حســيــــت...
خذت گلبي ورحت ....... بجروحي ما حســيــــت...
الجسد من ينجرح اضماده موجود
بس جرح الكلب اضماده ولفه
وين الكه الولف تاركني بين الموت
اريدن حل يربي حتى لو صدفه
ﻻتتعب بعد وتمرني بالطيف ،،،
اول شي تركته بهجرك النووم ،،،
حاسدني اعله حزني تريد شركه وياي
وعــــندك مــــزدحم جيش الفرح عركه
تـــنزيلات ابـــيعك اي حـــزن شــــتريد
وســددني اعله كيفك كل شهر ضحكه
منهو العلــمك تصبر بليـــــاي
وهذا الصبر كلي منين جبته
جنت تنجن اذا انساك لحظات
صار ايـــام ولــفك ما ذكـــــرته
صح انت الكلتلي عوفني ايام
... وكوه القلب من حبك حرمته
لأن فكرت اعوفك عود وانساك
بس حتى الهوى بهجرك كرهتــــه
الهوى انت وبدونك والله ما اعيش
واحس الماي سم كل ما شربته
فضيت الشراكه وياي شنهي الصار
شنهي الحب لعب رايد تبطلـــــني
وخل نفرض لعب ومحالل وموهوب
بس ردلي شبابي الي تلف منـي
تشك بيه اخونك لاتـــــــــــلف ودور
قديمه سوالفك كامت متعبــــــرني
احلف بل عشك غيرك ولا حبــــيت
واذا مره نسيتك كون يصطــــــــرني
اذا غرك زمــــــانك اذكر الحـــــــــــــبوك
واذكر ناس لجلك ضحوا هــــــــــــــوايه
واذكر كم سهم عاش بصميم حشاي
واذكـــــــــــــــــر الك ناس تعيش وفايه
واذكر دمع عيني ولوعـــــــــــــة الايام
واذكر بحر حبك الما نقــــــــــــص مايه
اظل وفاي الك حد شيلة التابــــــــوت
وحك الي تكصده الناس مشـــــــــايه
اذا كلشي انتهى وبابك يضل مسدود
حتى امشي وبعد ما اوكف ابابك
وأذا زعلان مني اسمحلي احجي وياك
خلي اسمع كلامك وافهم اعتابك
شحجيلك بعد عن يا جرح مخزون
ويا جرح التريده وياك يبرالي
اشرح حالتي لو اشرح الاهات
لو اشرح عشك شك وسط دلالي
شحجيلك بعد واجروحي مثل النار
اذا تطفه تظل جمراته تلالي
تمنيتك قصيده من الالف للياء
اكتبهه بسلاسه وابد ما عاني
تمنيتك تحن وتكول هاذا انسان
حبك وتعذب مو شخص ثاني..
تمنيتك سؤال وحله انت تكون
تقاسمني دمعتي بزمن بچاني
وداعا يا كلب مو مني كل الصوج
واحجي شما تكول انسدت اذاني