يا أول وطن ماعنده وصله كاع
موبس كاع مابيها ذره ملوحه
أخذ وياك عمري وردلي بس يومين
مابيهن هواك وذله جروحه
يا أول وطن ماعنده وصله كاع
موبس كاع مابيها ذره ملوحه
أخذ وياك عمري وردلي بس يومين
مابيهن هواك وذله جروحه
تره فراكك صعب لتصدك ايهون
وأريد أحجي سوالف حلوة عنك
خلها الناس عني أتكول مجنون
أتباهى بجنوني الصار منك
فد شغله بحضرتك دوختني هواي
ما ادري حقيقه مدري جاي احلم
شفتك بالورد تشتم هذاك اليوم
معقوله الورد بلورد هم يشتم .!
اي مشتاك اتريد اتوكعلك كلب مسكين متاني الاحباب
خلي يصير عندك كلب ولاتقهر المشتاك
انت ترضاها اعلة روحك من تفارك احباب
بجفونك اواسي الحلم من ينام
وبكلبك شباب شكثر شاغلها
يالشاغل افكاري فدوه اريد انساك
علمني على كيفك لا تجيب هموم
انا هموم الي بكلبي كوه حاملها
بجيت ويا الليالي سنين من دمعات
وهموم وليالي الضيم حاسبها
من اذكر ايام الحلوة اني وياك
صارت بس رحيل وماني راحلها
يله يا گلبي نعوفه براحته
وبعد ما نحلف ياكلبي بداعته
نكطع ومن بابه ما نرجع نفوت
يا هوو كلك من بعد فركا نموت
وداعتك.. كلمن يموت بساعته
ألك ارفع علم حبي ورايه
وحذرك لا تحب أحد ورايه
وحك من أنزل القرآن آيه وره آيه
أضل أهواك لآخر نفس بيه
قلم كلبي تداين ورقة منك
لان ماكو بجمالك ورارقى منك
انا بيدي اسجلك ورقمنك
و اكتب لافتة محجوز الية
الك نجمة وسط كلبي علم دار
تضل انت دومك علم علدار
غلاتك تسوة ميماتي وعلم دار
والسكندر يقدملك تحية
