اريد وياك اگعد گعده احباب
وما اگدر بعد اصبر واتاني
اقرالك شعر بي لهفه فراگ
واغنيلك فرح كل الاغاني
وافرشلك عيوني وبيهن تنام
واغطيك بعطف حبي وحناني
اريد وياك اگعد گعده احباب
وما اگدر بعد اصبر واتاني
اقرالك شعر بي لهفه فراگ
واغنيلك فرح كل الاغاني
وافرشلك عيوني وبيهن تنام
واغطيك بعطف حبي وحناني
تدري اني بغيابك مثل كومة اوراق
بعثرهة الزمن محد رضة ايلمهة
تعال بداعة الحب النزف يوم
الوان المعاني وانته تعرفهة
لتخليني وحدي تدري بية شلون
ضعت اني بغيابك
شعاتب منك وانه وركه بخريفك طاح؟؟
تهز عمري وتطيح سنين من عندي..
ظلمه ؟؟وخيط اسود؟؟ وابره عد عميان؟؟
وعفتني بنصهم ارجف و . . حدي.
ياسكف البنيته من الشمس لشتاي؟؟
بعز تموز اجيتك شفتك امندي..
كلشي گلي
ولاتسولفلي بوداع
هذا موسم شوگ... مو موسم ضياع
كبل ما تمشي بطريق المايرجعك
هاك روحي..
وطشها بيدك وين ما عند الله كاع
تدري شكد احبك ما اكول هواي
باوع عالنجوم وبيدك احسبهن
الف مره بعددهن وضرب بألفين
تدري شكد احبك بكثر ناتجهن
مو كافي الزعل خل نرجع احباب
وخلي الشوك يرسم دربه بينه
يغالي العمر بعدك صعب خضناه
وصفت روحي بعد هجرك حزينه
مو بالكوة بومه تصير طاووس
ولا خير شرف من كضله سبحه...
الليل أسود نعم بس يكتم اسرار
عكس وجه الصبح سرك يفضحه ...
خذيت دروس منك حصت اجيال
بس جيب الوكح درسك يشرحه ...
اليحب من جف حبيبه يريد تذكار
مو يتلاوة حته يشيل رمحه ...
اليحب يحجي بحبيبه ويه اليحبون
وتعاين عالملامح تلكه فرحة ...
وانه انه اضطر لان تسمعني شمات
اعاين عالجــــــــــــــرح ينزف وامســـحه
سلمتك ، كلب مابيه حرف مكتوب
مثل ورقة رسم وانته اكتب
، بكيفك
يل مشخبط حياتي الله لا ، ينطيك
قلمك ماكتب بس الكتب ، سيفك
اعمي عيوني لوفديوم متروك
واشري بعمري لوينباع متروك
جنت الماي
مثل الناي
عندك راي
هسه شغيراك وياي
شفت الموت
مامش صوت
مامش حوت
ولازفه بسلفنه تفوت
سمعت نياح
صوت صياح
تسمع راح
شجرة وبيهه صفك اجناج
كشجرة وبيت جني صرت متروك
بجفاك وعشعشت غربان بيه
ليش گبال عينك ترجف الأشعار
دفك سجن القصايد واسجن أحزاني
متعود أشوفك تضوي نص الليل
وآني وياك چن بعالم الثاني
نتسامر عشك ونطوف بالأكوان
ونخلي النجوم تصير باحضاني
خايف بس حلم يمكن أفز مرعوب
لو لحظة أفكر إنت تنساني
لو يمكن بعيد وآني بالأوهام
شيدت القصور وصغت بنياني
شگد صعبه الجرف لمن يشوف الماي
متكتر بعيد وضفته تعاني
شگد صعبة الحلم يغفه عله حس الناي
خلص ليل صبره يتاني ويتاني