من دونك أموت أذكرني لاتنسه
تعال الزعل كله يخلص بلمسه
أحبك وأعترف بس أنته كل دنياي
ومن عندك أذوب وأنتهي بهمسه
سفينه بنص بحر تعبني حيل الموج
أغرك لوغبت يالجيتك مرسه
جذاب اليكلك غيري حبك موت
أحبك من كبل صدكني موهسه
وتعبت أهواي لجلك موتعب يومين
صعب درب الهوى ماينفهم درسه
من تروح سالم من ترد أفداك
وأذا تنسه محبتي انه ماأنسه
اجـــه ابــالي اعـوفــك مـره وانـســــــــاك
اكـمـشت بــالي وخـنكـــتــه بــهاي اديــه
اللهم إنك ترى حبيبتي وأنا لا أراها فإن رأيتها فرحه فأتمم عليها فرحتها وإن رأيتها مهمومه ففرج همومها وأسعد قلبها وافتح لها أبواب رحمتك ورزقك
صدك تقبل حبيبي لغيري هسة تصير؟؟
وصدك مليت مني وبعد متحبني؟؟
وصدك هانت عليك اسنينه الحلوات
وما هانت عليك شلون تتركني؟؟
خلك ماصرت لوما خليلي اتصير وصرت خلي برضاتك جي صرت خلك
علمتك عليه من الالف للياء وتغلط بالاجابه وانه اعدلك
حرثت الخاطرك بالروح مثل الكاع او بوسات او ورد كل خلكي اشتلك
شمعه انته بحياتي وعمري ضلمة ليل اشعلت روحي وخفت ماشعلك اشعلك
خاف سنين عمرك تحترك بالشوك اضمك كمت من عمري اعزلك
وعليك اسودنت موبس اغار عليك واحل روحي واكضك خايف تحلك
شلي بغيرك انته والكه مثلك وين وتتعب تلكه غيري بهل تعب شلك
مثل ضلك جنت بالضوه نمشي اثنين ومشيت انته بضلام وضيعت ضلك
دليني عليك سنين تايه بيك وامشي وياي ادورك خاطر اندلك
عرفني اعله شخصك رايد احجي وياك بس كلمه وبعد ماغيره انكلك
وحده من الثنين او وحده راح اختار لو كلك احبك لو احب كلك
اسئل ليش احبك حتى اكلك ليش وليش اشما تسوي وياي اقبلك
التعديل الأخير تم بواسطة الجنوبي ابن الناصريه ; 6/February/2016 الساعة 8:48 pm
يا عمري الدنيا ما تسوى تنام وخاطرك زعلان
حلوات جدا
إحبه ويحبني وخلك الله تدري
ويحدسنه اليمر ويشوف حبنه
فجأه تغير الآحساس وأندار
من ورى العواذل الجانت تلاحكنه
آنتهى حبنا بسبب واحد نذل غدار
والثاني السعه بكل قوته يبعدنه
ومحبوبي ياوسفه ماصان العهد وياي
كلي كلمن بطريقه والله يسعدنه
كالو ما تجي وكالو عليك بعيد ودرب كلش طويل البينك وبيني شح مني الدمع كد ما بجيت أعليك وأعاتب بالكمر هلبت يواسيني ظلم كلش ظلم تحيا وتموت بشوك وجا شنهو العمر من تذبل رياحيني تعب حتى الورق حبر ودمع مخبوط وحسره وي القلم تأذيني وتبجيني صفة رسمك حلم عذب حنايا الروح مثل طيفك أبد ما شايف بعيني نهر طولك عذب صافي ويرد الروح وأنه الميت عطش وبكطره ترويني أكتبلك شعر وأسطرلك الأبيات وانته بلا بخت بالفركة تجويني قيس بعام واحد وتيبّس من الشوك وآنه سنين مرّت ما غفت عيني كلي شلون رايك والعمر محسوب وجلمات الشماته تكول ناسيني طلابه وي العشك وأيامي كلهن ليل وشمس حبك ظلم من ما تضوّيني كافي من العتب راح أختم الأبيات وأحجيلك سطر بي كل عناويني مثلك ما شفت ولا رايد ولا ريد وأحبك موت عنوان لدواويني
