****
من سمعو اهلنة
العشگ دگ الباب
ما خلوك اهلك ...واهلي خلوني
ما خلوك اهلك
حگهم يخافون
بس اهلي المحبتك ..شلع باعوني
كون اتشوف
كون اتشوف
عفت كلشي ...وجبت كلشي
ومدري شلون اجيت امشي ..
اجيتك ردت اگلك شوف ...
ردنه نعوف كلشي وماگدرنه نعوف
كون اتشوف حالي اشگد الك ملهوف
جبت دگات گلبي الگطعن گلبي بجفاك اسيوف
جبت صفنات روحي
السودنت روحي .....
مثل جن بمسيه وعل يتيمه يحوف
كون اتشوف ...........
بشفافي الحزن ماخله بسمه تعيش
وكلمن كمت ابوسه بخده اطبع اوف
كون اتشوف ..........
دموع الجدم مايدري وين يروح
والخطوات عميه
وتايه بلاشوف
كون اتشوف ....
..خلصت الوجوه وشفت كل الناس
كلها وجوه غربه ولا وجه معروف
وين الگاك يلموصوف
اليه أنه والك موصوف ؟...
يلفرگاك غربه وكلشي مامألوف ...
انه بلياك مدري شبيه مابيه ..
زلف وبلايه ترچيه ...
درب مابيه كل جيه...
نهر فاض وتبع ميه
رجع بس مالگاله اجروف
كون اتشوف
بالتوفيق صديقي
___
امير العتم
سولف گول الك واهس تضل وياي
واذا ما الك واهس گول لا تخجل
ما اقبل احبك وانت ما مرتاح
وما ارتاح احبك وانت ما تقبل
اذا متشدني بيك وبيه اشدك حيل
انحل بالسهل من عندك وتنحل
بكيفك من اجيت وما جبرتك يوم
وما اجبرك بكيفك لو ردت ترحل
فكر باليهمك والمهم شتريد
انه كل اليهمني المهم لا تزعل
أحجيلي يبعد الروح ليش اتريد تنساني
مجبور أنت عالنسيان لو عندك شخص ثاني
إذا قصدك تعذب الروح ارضى بكل عذاب آني
لأن مو بيدي أحبك حيل وشوكك حيل أذاني
وتدري انت عليك الجدم ياما بشوك عناني
وعلى الحلوه وعلى المره سنين وياك عشت آني
انام بحزن واغفى بضيم وأصحى الحزن يتناني
ولا اقبل فد يوم غيرك يدك بيباني
لأن حبك سره بدمي ويسري بوسط شرياني
لجن حبك يبعد الروح ابحر اضنون خلاني
ضنيت بيوم ردت أنساك أحس تحركني نيراني
وضنيت العكل مني ما يرد ثاني
ضنيت اليموت يطيب بس ما ضنيت تنساني
شلون تروح مني وانت بيه تعيش
شلون انطاك كلبك تبتعد عني
مامرعلى بالك بيه شنهو يصير؟؟
واذا فكرت زحمه شلون تطعني
لان بعدك خناجر خاون السجين
على دروب الهجر كامن يذبحني
اموت ابلايه انت وانت بيه تعيش
او من تروح بيدك انت تكتلني
تكطعني السويف ابكلمه الشمات
واتحمل واكولن يالله داوني
وصفه ليل الحزن والناي والصفنات
موال الكلب بعدك يسلني
وسل جرح القصيده وتنزف الابيات
واصفنهة القوافي ومايصفنني
بس ارجع واكول شلون والايام
ابنار الذكريات وياك يجوني
واكطع روحي بيدي ابخنجر العذال
وربيبات الحزن بالنوح صبرني
واكول تهون مره ومره لا متهون
شما اكلب صورهن مايرحمني
وخطيه الروح عاشت شجره بالصحراء
يحركهة العطش ودموعي يروني
تذكر من جنت ورده ابوسط بستان؟
واجتي جفوف اديك بشوك كطعني
وكلتلك هاك اخذ ورداتي والاغصان
تريد اجفوف اديك المايريدني
عاين على اجفوفك راح تلكه اثار
من قبلت كلبك هنة شالني
وي جفوف اديك الذكريات طوال
بس هي المصيبه شلون ينسني
بعدك راح اسد باب العشك على الروح
وسجن روحي بيدي وهي تسجني
تعال جروحي عدهن من هجر يومين
وبهيده من تعدهن لا يلجمني
هذني جروح كلبي الماكدر ينساك
وهذني جروح عمري وذني وي ذني
الزمن بعدك نكث حيلي وذني
وسهامك فجرن الدمعه وذني
ذني جروح دلاالي وذنــــــــي
جروح العمر يلي كطعت بيه
حبيبتي
ان كانت اوراقي لا تحمل شيئا لك فسأمزقها...
وان كانت ايامي تمضي بدونك فلا طعم لها....
قلبك يسقي عطشى الحب...
حبك يتعلم منه العشاق...
كلماتك نغمات تنطرب عليها الاسماع...
....!!!!
كَلي شراح اكَلك وانته راح اتروح
وليش اتلح عليه وتنتظــــر ردّي
هذا السان حالي دموعي تحجي وياك
وراح اسكت واحجي ادموعي البخدّي
وسولف بالدمع وتوسلك عبرات
اود اشبع بشوفك واحتفــــــل ودّي
***
ضل وياي اريدك والبقن جم يوم
وهل جم يوم صارن حدك وحدّي
خليني ارد اشوفك كَمت احسك طيف
وياعين التكض الطيف اليعـــــدّي
صرفنه اسنين حبنه وخلصن تبذير
وعلى يوم النشوفك باجر انجــدّي
كافي ﻳﺎﺭﻭﺣﻲ ﺍﻟﻌﺸﻚ ﻣﻮ ﺛﻮﺑﻨﺔ
ﺍﻛﺜﺮ ﻣﻦ ﺍﺑﻠﻴﺲ ﻫﺴﺔ ﺍﺫﻧﻮﺑﻨﺔ
ﺭﻭﺣﻲ ﻣﻮ ﻛﺎﻓﻲ ﭼﺬﺏ
ﺍﻟﻨﺎﺱ ﻣﺎﺗﻌﺮﻑ ﺗﺤﺐ
ﺍﻭﻝ ﻭﺗﺎﻟﻲ ﺍﻟﻨﺤﺒﺔ ﻳﻌﻮﻓﻨﺔ
شسويله الفرح ،،،،،،، مايرضه يمشي ويااي !!
