اني وكلبي اسال والسؤال يطول
مااعرف عليمن ابدي موضوعي
اون الليل كله واحترك بلنار
واحس النار كوة اتجفف دموعي
عفتيني بديرة وحدي ورحتي انتي بعيد
وذابن من غيابك صدك شموعي
يلي بيج الكلب علمتة من يهيم
الجمة بجرح حتة يفزز ضلوعي
ولاتسأل علية ولاحنيت ؟ليش انسيت
رجع ولو بس كلبي وروحي وين تروحين
مااعتب عليج انا اخطأت وحجيت
وكلت كلمة احبج ياحبيبتي
جروح هواي بيهه الروح
والجروحه هواي بعد اشترجه من عده
ياجرح التحجي بيه جرح الشوك
لو جرح الوكت الصار ضده
شحجيلك جروح اهواي بيهه روح
من اتعد ترجع تنسه الي تعده
ماادري الزمان اشلون بينه ايدور
ماضل واحد يوكف ابساعة الشده
ولاضن جرح بعد ايطيب
منهذا الزمان اشجاب وشوده
هذا اليود هيج ايصير
حته التوده ايضيع بساعة الشده
شت ضمد ياجرح مجروح
اذا كل جرح بيه اجروح ممتده
عفيه ونفس بيه الروح
مدري اشلون من هالشده تتعده
الف غمه العمر خلصة بالوعات
من كام الرعيع ايفوت يتعده
اريد اعلن حداد وللعشك ماعود
وريد انساك ونسة البينك وبيني
وشك دفتر غرامك خاطر انة انساك
ودير الوجه عنك من تلاكيني
ماريدك بعد لو انت روحي اتصير
و ماريدك لون من موت تحييني
ملح بعيوني احطن ونسة حتى النوم
اخافن بالمنام طيوفك تجييني
اذا شافتك عيني وفرحت بملكاك
والله اتبره منهه وهاي موعيني
واذا صافحك جفي بحجة الخملان
اكص اثنين اديه يساري ويميني
واذا كالولي حبك يسري بالشريان
ثق بالله اكطع كل شراييني
واذا صاير شمس انه ابقه دوم بليل
وماريد الضوة وبلظلمه خليني
العين صبت دمع ,,,ذاب الكَلب بجفاكـ
موتني هذا البعد ,,,بس كَلي يمته الكَاكـ
أشتاكـ يامه الك
بلدنيه ما بدلكـ
أدفع سنين العمر ,,,بس لحظهـ أعيش وياكـ
أفديلك آنه العمر ,,, كونك تحن وتعود
ناذر لونك تجي ,,,أنثر دروبي ورود
ياأغله من دنيتي
ابجيتك ترد فرحتي
دونك ميسوه العمر ,,, بس جنه هو وياكـ
وين أنته طال البعد ,,, من صبري مل الصبر
ابشوكـ أنطرك تجي ,,, وكل لحظه أكولن تمر
اتنسيني هذا الحزن
بيدك اتنشف الجفن
محتاج آنه لشوفتكـ ,,, تحييني بس شوفتكـ
ميت آنه ابلياك
أدفع سنين العمر ,,, بس لحظه أعيش وياك
اچتافي من الهموم جبال شالن
واديه من التعب يا صاح شالن
عگب عينك ليالي الفرح شالن
وضل بس العمر بفتر عليه
شيفيد العتب وتريد احاجيك
نار حبك تلهب وياي
كافي انزف جرح وتريد اداويك
تحركني بغرامك واشتعل نار
وهسه تريد ترجع ما اخليك
ياريتك تجي وتشوف الجروح
تلكاهن خطيه يسولفن بيك
شسولفلك عليهن والله محتار
ياجرح التشوفه ابناره يجويك
احبك حب عراقي يحب الهموم
اصيل وشايل الدمعه ويسليك
حبيتك طفل عايش وياي
ياعشك الطفوله شلون أأذيك
سامرتك ليالي وكلبي مذبوح
مثل نجم السعد بحضاني الوليك
يدك ناي الحزن وي صفنه الليل
حد وجه الصبح موال اغنيك
نمتي .. هنيالك غفيتي ..
وآنة ليلي يمر على
عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!
حبيتك صدك ... معقوله ما حسّيت
وآنه الجنت اظنّك تدري وتحبني
طلع كلبك اناني ويه أني أنغرّيت
ما وفّه لمحَبتي وبالعجل ذبني
وحيد بلا حبيب ولا عشك ضلّيت
شجره بلايه ميّ ولا شمس جنّي
صلب مثل الجبل بالشدّه منهزّيت
بس بُعدك عليه بهالوكت هزني
حيّرني الزمان وبيك أنه أحتاريت
وجن بيك الزمن رايد يعذبني
نطرت محبتك والهه شكثر تانيت
لحظات العشك وياك نستني
حبيتك صدك وتورطت بيك...
وانت اول غلط صح بحياتي
دام ابداعك
تدري بيه شكد أحبك من زمان
تدري بيه شكد أحبك من زمان
تبقى ساكت واني ساكت لشوكت
مو ظلم يموت حبنا بلا كلام
وتالي نندم ليش ماكلتي وكلت…
خل اسمعك لاتضم صوتك حرام
وخل احسك يمي بعدك مارحت
كول احبك حتى اكدر هسه انام
تدري صار سنين ساهر ما نمت
تدري بيه جروح صارت من هواك
وارد اخبرك بيهن اني اتألمت
صرت اعيش دنيا من حيره وهيام
روحي راحت واني بيه تحيرت
انت روحي ولو رحت شنو الحياه
تبقى اريدك يمي دوم بكل وقت
ردت اوصفك بس شفت وصفك عذاب
صعبه اوصفك اني اسف مكدرت
