اللهم صل على محمد وال محمد وعجل فرجهم
عسكر هذا ؟؟ اي عسكر
وهذا الوحدة منهو الجاي ؟
وليش بمشيه مستحقر العسكر ؟
هاي جيوش جرت خيل تتبع خيل
سيل تكول جنها ومن جبل حدّر
هاي ارماح كشرت تشبه النيبال
عد وحش الفلا للصيد لو كشّر
هاي سيوف تكطر موت
هاي اسهام تمطر شر
هذا الحوم سكّن بالسما جوعان
اذا يشبع اليوم منين يتشكر؟
الكواسر جلجلت شتريد ؟
مصدر رزق عدها منين هالمصدر؟
يا هوالعازم وحوش الفلا هاليوم
وبالصيد الثمين مواعد اليحضر
ليش العسكر اتغير ؟
ليش وجوهم تصفر؟
ما تسمع حجي بس كلمة وحدة تدور
احذر هل اجاك احذر
واحد والصفوف تموج
واتخلبص غزلها وزينها اتحير
واحد خلة سبع الكوم
يجفل من خياله وبيه يتعثر
نزل وبمشيه يتبختر
نزل وبكيفه يتخير
نزل وعيونه موت احمر
سمعنا الجيش ضد واحد
يحوطه وطوك بي يفتر
ما سامع بواحد صار طوك الجيش
والنشمي الشجاع الكدر منهم فر
نزل عسالها الادور
نزل للمعركة شمّر
طخن يالركاب وطخن وي الصوت
طاحن روسهم من كبل ما طبّر
واختلفت اقوال الكوم
شي كالت قدر محتوم
شي سمتها المكدر
شي كالت رجع حيدر
شي بالكاع تتسمر
شي ظلت بوجه البطل تتفكر
شي كامت تصيح الغوث
استر يا الهي استر
وزعّهم حصص للوحش والعقبان
انتخمت وابو فاضل بعده صوته يصيح
منهو الما اكل منهو اليريد اكثر
وكصد للماي المشكر
كصد والروس تتشمر
كالوا فنّه ما يكدر
وشانت عد كمر عدنان
صاح شلون ما اكدر
ضهضب وانتخى وما ظل ولا خيّال
بس صاح ابو فاضل انه ابن حيدر
للشاعر الراقي
ابو محمد المياحي
__________
السلام عليك يا قمر بني هاشم
السلام عليك يا سيدي ومولاي يا ابا الفضل العباس ع
روحي وارواح العالمين لك الفداء
نسألكم الدعاء
رد مع اقتباس
المشاركة الأصلية كتبت بواسطة علاء المكتومي
