كلشي يهون يمك يابعد عيني
اخذني وياك رحله لعالم النسيان
ضمني لصدرك وحتى اسمي نسيني
اريد وياك اروح لأخر البلدان
بس ايدك بأيدي وهذا يكفيني
صير الاهل ليه وناسي والاحباب...
وحبك خله عن الكون يغنيني
محتاجك هوه ومحتاجك انه انفاس
وصحره انه بدونك ماي رويني
صرت ليه حياتي وعمري كل دنياي
مااعيشن بدونك زين تدريني
انت اول عشك واخر هوى للروح
وانت ايام عمري وفرحة سنيني
وانت اشعاري كلهن واجمل الابيات
وكلمات المحبه وكل دواويني
وانت الضحكه ليه الغاضت الدمعات
وانت السد المن كل خوف ياويني
اخذني وياك لان انه اعيشن بيك
ولان ميت بدونك وانت تحييني
اخذني وياك ماظل كل صبر بلروح
والهم مله كليبي وكلي ماليني
اخذني وياك مااحمل حبيبي فراك
بدونك نار دربي وحيل يجويني
اخذني وياك وبكيفك بديك الروح
تزعلني ......ترضيني ........تبجيني
كلشي يهون لان انته حبيبي وياي
كلشي يهون يمك يابعد عيني
رد مع اقتباس
المشاركة الأصلية كتبت بواسطة ورده بغداد
