احد المصورين يتقوف امام عملاق في التصوير لكن !
في الجمعة الماضية كان أحد الأصدقاء في شارع المتنبي وكان يحمل كامرته بيده ،أستوقفه هذا الرجل الظاهر في الصورة وقال له :::
-عمو انتَ مصور؟
*اي عمو
-وين تشتغل؟
*مصور حر ما أشتغل بأي مؤسسة
-عمو تعرف آني اللي أسستلكم جمعية المصورين بالعراق ، تعرف آني اللي صَورت الملك فيصل يوم تنصيبه ، تعرف آني من آوائل اللي دخلوا الكاميرات بالعراق ، تعرف عندي أكثر من 300 جائزة بالتصوير ، تعرف آني أول من دخل السينما المتنقلة بالعراق ، تعرف آني اللي حطمت الرقم القياسي برياضة الدراجات و و و و و و
عمو آني محمد أمين السعداوي ( كانت كلماته هذه ممزوجه بدموعه النقية )
الصحفي و المصور و الرياضي ، هسه هذا حالي مريض و مهمل و محد يسئل عليه ماكو واحد (منهم) دگ بابي فد يوم
-عمو اريدك توصل صوتي بلكت يلتفتولي، والله مريض اني
*استاذنا انتَ تاريخ
نتمنى من المسؤولين أن يلتفتوا إلى هذا الرجل الذي يملك تاريخ من الإبداع .....
رد مع اقتباس
