يا ندة الغبشة وسوالف فقرة حيل ..
مدري وين وياك رايح ؟
العنبر من اشفاك يطلع اني حكي وياك ضايع
لحد يطالبني بيه ، حلوه اضيع حقي بيك ..
اني منك حتى ما اوصلي باب ..
منتظر فتوة بحظرتك
خل يمنعون بطلعتك
ماخذ كلوب الشباب ..
وانة وحدي ،
وانت بيك هووااي ما اكدر عليك ..
خل اجيلك لا تجيني
ملكة ما عندي اعله كدك .. واهس الطير بسماه
ومن يحطونة بقفص يكره هوة الله ..
انة هيج
انة هيج وياك طاير والسجن شوفة كفاك ،
يا ضوااي منين ما تبعد اشمك ..
ريحتك بهدومي ظلت كام يشتمها الوراي ..
يااا مسافة زلفك لخصرك تتعّب ..
بيها ما سكران بس طيحت روحي
حتى من تلمني شيّل
بلكي احصل من حضنتك حتى يرجع بيه حيل ..
شدعوة هيييج وطيفك يمرني ثواني ؟
عاد خيعبرني ليل ..
وانة هم بطران اعاتب
ابال ناس هوواي كاعد زين من طيفك ذكرني
يلة كافي ارجع لموضوع حسنك ،
ميت بشعرك حجابك من تطلعة يموت جيل
ولا تشوف الليل شعرك
الليل خاف يضوج ويطشر النجم ..
امرايتك حسرتها كسرة ،
لازم تمرها اعله كيفك لا تفاجئها بجمالك
حسب احساب التجيّه !
واهلك الما عدهم اهلي
بخطبتك طلبوا خيال ؟
وانة اجيت بطرك احبك مالت رويحة حلال !!
وادري ما تنفع الاحبك ..
اشتهيتك اشتهيتك
نظرث الاولى البيها ما دايرلي بال ..
البيها انت من مشيت وصفنت شارع وراك
شدعوة ربك هيج خالق ؟
انت يمكن مو مثلنة ؟
جيت للدنيا بدعاء ..
رد مع اقتباس
المشاركة الأصلية كتبت بواسطة زهرة الرمان
