الحلال ابلايه شخصج مو حلال
الحلال ابلايه شخصج مو حلال
وكفرة العاشك لمن يرضه ابديل
ردتج اتربيلي عشره من الجهال
شنهو صار وخاطر اتربيلي ليل
بس تعاي شكد الج جامع دلال
رجعي ! خلكي لخاطرج صاير طويل
الا اكص الساني لو مر بـأنفعال
حتى ليخليني هيج اصبح ذليل
فدوه جيبي دواي وينج !!!
الناس ماترحم وانه لوحدي وعليل
والله احبج والله اريدج خلي مايرضون اهلج
انه احب المستحيل .؟
يله رجعي خل تعوف الناس قيس
خل يسولف بيه جيل
الساعه تطلب ثار من رحتي لبعيد
اتريد دمعه خاطر اتحركلها ميل
وانه والدخان وخيوط الظلام
عشنه عيشة تايهه وفاكد دليل
والناس كلها اتصيح ردولك جواب
خلصن اعذاري وردت ملبيت اشيل
كبال ياهو الي اجه ونزلت راس
انه صاير بلسلف مثل السبيل
وليش اسمعهم يكلولي امن افوت
صاير مخبل ابو الطبع الثكيل
رد مع اقتباس
