اجامل جنت اكلك كلبي يهواك!!
كدرت انساك وانه بمنتهى العز..
جنت تمرني طايح تضحك بصووت..
وانته تشوفني وبجفوفك تهز..
اعطل الليل اذا جبتك على البال..
شكو جروح اعله كلبي بجيتك تفز..
على روج النفس يداور الموت..
هوة المنك يمرني بركبتي يحز..
اشد كلبي برجل طير الاودي ..الك
وابقه انتظر بس انته شدز؟؟
موحب من اشوفك واحجي وياك..
شامت ع الدرب وحجايته تبز..
عفتني بليل ماطخ للصبح راس..
احشم ذكرياتك يله اركز..
كبل وياك ادولب بالحجي شيوخ..
هسه بدونك بكل كلمه انشز..
على جرف الخيال ارسملك حروف..
ويجي روج الدمع بحروفك يجز..
وشنو ذنبه الكلب رجعته مكسور؟
اشو حبك مثل ماانته ترغب..
كبل تشتهي دموعي بعيني اجازيك..
ماعندي بمحبتك شغله تصعب..
هسه تعقدت مشكلتي وياك..
ومكان البي جفيتك كوة ينطب..
بحيث اكطع نفس لمن امر..خااف..
اشم عطرك بغيري ودمعي ينصب..
هسه انباك حيلي بصهوة فراك..
بس من جنت احضنك روحي تنضب..
واحذر مقلتاي لغيرك تغير..
والاقرب من خيالك جن الاقرب..
اشيل شراع واهس من امر بيك..
واجتاز الشواطي بغير مركب..
اطلعك من حياتي بكل الاحوال..
وبس يمرني ليل براسي تركب..
رااح انسااك واكسر واهس الليل..
اذا كتلك امووت القصه تخرب..
♥للشاعر جلال مهدي♥
رد مع اقتباس
المشاركة الأصلية كتبت بواسطة هيثم البغدادي
