بيه كومة هموم ماضكت الدلال..
تلكه صوتي بريج بياع الحطب..
انه افصل واهسي براحة هواي..
واطرق الضحكة بتواضع مو طرب..
ادري بلسان الصراحة يموت اخوي..
الناي تسمع صوته من موت الكصب..
(الله موجود بحياتي ومااحير)..
من اشيل جفوفي مايرفض طلب..
المااجه شايل وفه كد ما بجيت..
كلهم يبشرونه من كلبي انشطب..
شرد اسولف وانه ماشفت المفيد..
حته زين الي لمته جفوفي انكلب..
الغيم شايل ماي لوطل بسكوت..
هيج نكل جدامي لو شلت الحمل..
انه مكسور بدمعتي ومابجيت..
ادري بأشرعت السفن كسرتها ذل..
لاتضن خيبت امل حر الدموع..
تاج راس الشمع نار التشتعل..
السر يموت بداخلي وماانطي بي..
وماتركت سوالفي بحلك الطفل..
واليجيني يريد يذبح مستحاي..
لساني ماعلمته للوادم يزل..
اغفه وانطر جرحي لو مر بيه ليل..
حلم شامت صارن جروحي بشكل..
ماخله اثار تركتها الجروح..
ماتشوف شضامة بيوت النمل..
ولو حجيت اوجهم جن بيه ناار..
ليش من حجاية الحك ينزعل..
مايهمني غراب يفتر بسماي..
انه بجروف النوارس محتفل..
انه ساكت مو لان عجزت من الكلام..
عندي اكثر من مثال اليستدل..
الرايد يصيد ونطر سرب الطيور..
تلكه بشفايفه السوالف تنكتل..
ماطحت جيه ماخذ اطباع الحمام..
من تهب بيه العواصف تنتقل..
لغير روجه من الهوة وتصعد بعيد..
على الاكثر عدها فوك الغيمه ضل..
~هاي ناسي~التحسب شوكت انه اطيح
فلذالك ماردت يحتلني خل
♥للشاعر جلال مهدي♥
رد مع اقتباس
المشاركة الأصلية كتبت بواسطة بنوته عراقيه
