سلمّيلي
سلمّيلي
آه لو شوقي جزا وتاه أوي نجمة !!
آه لو صيف العمر ماينطي نسمة !!
ياطيور الطايرة
والهوى أدواغ الحبايب..
ياشمسنا الدايرة أعذيبي يغفه أويه الكصايب .
ياطيور الطايرة
والسما أمصحية، وصحيت أنا كمر..
وقلب الأحبيبة مثل شاطي ونهر..
مريّ يمّه..
ياطيور الطايرة وأذا مامرّيتي يمّه..!
تضيع روحي والقلب جاوين أضمّه ؟..
ياطيور الطايرة وياهوى أيلمني وألمّه ؟..
موبعيدين، اليحب يندّل دربهم..
موبعيدين..القمر حط أبكربهم..
لونهم لون الربيع اليضحك أبوجه السنابل
ياطيور الطايرة
وشوكهم شوك الحصاد اليزهي بشفاف المناجل..
ياشمسنا الدايرة سلمّيلي لو وصلتي أديارهم..
سلمّيلي وشوفي شنهي أخبارهم..!
رد مع اقتباس
