هنا

[فقار الكرخي]

ياحريمه
من زغرنه نسمع النغمه الحزينه
حسين نعمه ايرددلنه الياحريمه
والربه اعله الياحريمه اشلون ينسر ابلحن
ياحريمه
ومن زغرنه نحفظ الونه درخ
وندرس انواع البواجي والجروح
من زغر واحنه ابسجن
ياحريمه
ومو جديد الهم علينه
هوبينه من فتحنه اعيونه ابذاك الزمان
جان همنه
لازم الثدي النرضعه ابجف حزن
ياحريمه
ومن كبرنه الدنيه خلتنه نواصي
ومطرت اعلينه المصايب
والنواصي من المطر ينزال اثرهه وتندفن
ياحريمه
الدنيه خلتنه ابنزيزة كاع
غرزت بيهه الجدام وما عرفنه
بيادرب نمشي ونسيرومانشك بامره ونظن
ياحريمه
خان بينه المنه بينه
وصرنه حال اليزايد بالمزاد
باعنه
وغلطة الشاطربالف ماتنوزن
ياحريمه
ابحضرة اليمه الناس تتباجه ابقهر
كل واحد ابهمه
وهظيمه من تظل مكسوره الخواطر
والدمع حدر الجفن
ياحريمه
كصت ويانه الليلي
وبظلام الضيم تهنه
والزناجيل البدينه
اتسولف الجيل اليجي والدكاك اعله المتن
ياحريمه
وبعده ذاك حسين نعمه ايغني النه
وبعده ذاك الحزن بينه وزادبينه
جي بقينه
بالمزاد وماكو واحد يشترينه
بس نعض شفه ونون
والسوالف
ياحريمه
للشاعر علي الغنيمه

[ملاك الاحساس]

آنتقااء جميل
آبدعت
تحيتي

[فقار الكرخي]

مرور طيفكم الراقي يرسم الابتسامة على وجهي
أشكركم لحضوركم الجميل لكل جديدي
و لردودكم الرقيقة التي تزيد حروفي وكلماتي
جمالا ساحرا و عبيرا ورديا
دمتم بكل الحب والخير
في كل لحظاتكم الجميلة
تشكراتي و احتراماتي