هنا

[فقار الكرخي]

نتفارك برد نسيان
ونرد نلتم دفو حجايات
كل خطوة عتب،
شامة عله خد الكاع..
ويخرب كل وجه بيه تكثر الشامات..
بظهر كل ضحكة تطلع شيل طاسة ماي..
ووره كل دمعة حضرلك سبع حصوات..
بس تحتاج تستورد حمامة وغار..
عدنه شجم نبي فوك الرصيف يبات..
بمرجوحة ضوة..نغير مزاج الليل..
خ نسوي عرش للهيل..
سحر كاع العراق معلم العشاك..
تطول بالها وتكصر الخطوات..
تتذكرون؟
تتذكرون لمن جنة نوكف ناس..
نوكف نااااس
ونبين وجه واحد بالمرايات..
نفتح للمعاتب..سالفة وشباج
ونرفع للحبايب..جف صلح وشراع..
واذا صبيرة تتعنانه تالي الليل..
نلاكيها بوجه نعناع...
ابن الخير حتى بزعلة تلكه الخير..
تغتاض السمه..وتزمخ مطر عالكاع
ل ((سيف الحلفي نورس الجنوب))

[سيدة الحروف]

يسلمووو عالاختيار اخي فقوري

[البصراويه]

جميل جداً

[فقار الكرخي]

مرور طيفكم الراقي يرسم الابتسامة على وجهي
أشكركم لحضوركم الجميل لكل جديدي
و لردودكم الرقيقة التي تزيد حروفي وكلماتي
جمالا ساحرا و عبيرا ورديا
دمتم بكل الحب والخير
في كل لحظاتكم الجميلة
تشكراتي و احتراماتي

[زهرة الرمان]

رائع

[وَتِــيـن ﮩ]

جميل
شكرا لك

[فقار الكرخي]

منورين الموضوع