شعر شعبي رثاء للشهيد
الى اخي وصديقي الشهيد البطل حسن الركابي قناص الفرقة الاولى الذي استشهد في مدينة السعدية في ديالى مع صفوة من الخيرة البررة
من القلب ....
ومن مشاعر الالم ..
اليك ياصديقي ....
ياسيف العوز يمسكت النيبات
صدك راحل يخوية ابلاية ردة
يالبحضنك جانت جروحي تبات
يتيم الجرح ياهو العكبك ايضمدة
مو هوة بعدك كم اشم حسرات
الفرحة بغيبتك صارتلي شدة
وعيوني مو دمع تبجيلك ذكريات
وبكد كل ذكرة بيك الدمع ندة
عليك بلا بخت شدت حزمه الناس
طف بيك شافوا واحتاجو الهدة
انطوك اشكد حقد من استفردو بيك
مثل ما جنت ابابهم تزرع الوردة
رحت لكن ذكرياتك بنحورهم سيف
فزعات كلهن ما شافن الشردة
الك بيت الابوذية اينام بين اضلوع
لخـوك العفـتة ويالحزن وحدة :.
يفرحة عـين اليصدلك .. يبسمات
بعد ماخضر زرعنة ... يبسمات
كالوا مـات لاجــن .... يبسمات
مات الحنين الجان الروح الية
زين المواسي
25/4/2014
رد مع اقتباس
