يسألوني شجاك شبيك حيران
حتى بضحكتك مرسومة الأحزان
سبب كل هذا عندي بستان
جنة على الارض فاكهه واغصان
ونخيل الدنيا عندي واحلى نهران
واغنى ارث عندي بالبطولات
شعب علم وفكر فن وحضارات
ومقام الانبياء واضرحه اهل البيت
وبطيبة هلي اتفاخرت واتباهيت
لكن ما من سنة ارتاحيت
من حرب لحرب كل يوم طوفان
صار النفط دم والنهر عطشان
وحدائقنا مقابر والبشر هان
واقول افرجها ربي نريد نرتاح
من ايام التتر واعراسنا احزان
ونادي ياهلي دنيا ومقادير
لموا الشمل يا اهل الكرم والخير
وخلونه نغربل هالمشاوير
الخشن يثبت بغربالك يا بستان
والناعم رماد ويا الهوى ايطير
صياد الفتن ياشعب ينصاد
اذا كل الشعب اخوه ونواطير
ويسألوني شجاك شبيك حيران
حته بضحكتك مرسومه لحزان
من روائع الشعر الشعبي العراقي ..
للشاعر كريم العراقي
رد مع اقتباس