هنا

[عمر آل بكر]

للعلم هالسالفه صارت قبل ما اسافر

أنا داش بكل قوتي للبيت :يمــــآٌ يمــــاه يمه يمه وينج يمه

الخادمه ساميا: بابا قصر صوت مال انتا انتا في سوي ازعاج كبير هذا اخو انت معاويه صغير نايم

أنا :ساميا شفيج تقولين لي بابا أنا اصغر من عيالج تقولين لي بابا

ساميا: اقول بابا شو يبغا انتا ترى انت كل يوم اكتب قصيده ماشاءالله عليك من وين في مخ انتا

أنا : اقول ساميا وين امي

ساميا:هذا أنا في روح ينادي ماما انتا

أنا: ايه بسرعه لو سمحتي وماعليك امر قولي لماريا تجيب حقي بنادول راسي بينفجر

ساميا : ماشي

امي: وجع عميروه غثيتنا انت وصوتك اخوك نايم

أنا: يمه الحين بسألج انتي امريكيه من اصل عراقي شيفهمج على لهجة اهل اﻻمارات

امي: يمه أنا امريكيه صج معي جنسيه عراقيه واماراتيه يعني جذي تزوجت ابوك وتعلمت على لهجتكم

أنا : يمه ادري انج تزوجتي ابوي عن حب وسوالف وخرابيط

امي : ويا الويه عيب ترمس جذا

أنا : يمه الحب مب حرام عادي

امي: ياولدي أنا ابيك تتخرج وتصير شاعر كبير وترفع راسي وراس ابوك

أنا:ابشري يمه أنا دعوه منك تنسيني الدنيا ومافيها

امي:الله يوفقك وين ماتروح ويرزقك ويحميك ويخليك شاعر كبير وتتخرج من الجامعه ويحقق امنيتك وامنياتنا

أنا: اللهم امين

أنا: يمه احبج

امي: اكيد تبا شيء وﻻ وراك بلوه قول ارمس شفيك

أنا:يمه بصراحه بسافر لباريس حقت العطورات

امي:ياولد انت بس كل شهر مسافر ماخليت ديره مازرتها. رحت حق السعوديه والبحرين وقطر والكويت وسلطنة عمان وامريكا والبرازيل اللي جنها ويهك ومصر وبريطانيا والحين فرنسا. السفر يايمه يقطع الظهر

أنا : يمه الله يخليج حر باﻻمارات شوي وبموت من الحر وآيد موت حر

امي :ياولد كلنا عايشين بدار خليفه بدار زايد بخير الحمدالله

أنا : يمه مالي شغل بروح يعني بروح مو كافي انكم ماخليتوني اسجل بالميدان حق اليوله تحسبوني ياهل

امي: صج ياهل عمرك 19 واهم يبون من 22 وفوق

أنا: عاد بسافر بكيفكم انتو حـر تعرفين شو يعني حـر

امي: ارمس لـ ابوك

أنا : يمه شخبار معاويه النتفه أنا كنت اﻻخ الصغير المدلل كل شيء اباه يجيني والحين هالنتفه خرب علي مخططاتي

امي: اقول شب ويا ويهك جنك برازيلي هارب من مكتب الخادمات

أنا: يمــه حرام عليج بس تطلعين فيني عذاريب

أنا : واخخيراً الوالد وافق يخليني اسافر

والله يوفقنا جميعاً ويحقق امنياتنا

[الوردة الحمراء]

قصة حلوة شكرا

[ٱجَمل ٱنٌسًٱنٌة]

شكرااا ع القصة

[محبوبة♥العرب]

حلوى القصة بس
وش معنى (ارمس)

[عمر آل بكر]

ارمس يعني قول
يرمسون يعني يتكلمون او يتحجون
يرمس يعني يتحجى
ﻻ ترمسني يعني ﻻتكلمني
مابا ارمسك يعني مابا احاجيك