هلاوووووووووو درر
منو عنده كهرباء يشوي ليريده بالاوفين
لو غاز زايد يخلصه بشوي كم قطعه لحم بعجين
لومنو عنده وقت يشتغل ب4 ساعات خاطر العشه؟
الحل صار عندي
خلي باول انطيكم المقادير
بالنسبه للعجينه اني انطيتكم بموضوع سوالف نسوان عجينه 10 دقايق وهم حعيدها
بالنسبه الي سميتها العجينه الخرافييييييه لان صدك ب10 دقايق صارت عندي عجين ايخبل بدل ماانتظر3 ساعات تختمر
نجي للحشوه
ملاحظه مهمه: تكدرين تتحكمين بمقادير على راحتكم او اضافه الي تحبوا
نحتاج
3 بصلات
2 حبه طماطم
1 حبه كبيره فلفل اخضر
1 حبه صغيره فلفل احمر
ربع كيلو لحم مثروم
ملعقه بهارات لحم
نص ملعقه ملح
ملعقه صغيره من كبابه + فلفل اسود+زنجبيل + سماك او نص ليمونه (تكدرون تستغنون عنها عدا فلفل اسود شي ضروري للحشو)
ملعقه كبيره من دبس الرمان(اتوصو بي لان يضيف طعم روعه)
ملعقتين كبيره من معجون + كجاب +صاص
طريقه التحضير
نقطع الخضروات نااااعم قدر مستطاع
بعد ثرم بصل فقط نضع رشه خفيفه ملح ونقوم بعصر البصل بهالحاله اولا مي بصل يعطي نكهه لباقي مكونات وثانيا يذبل ويتجانس وممكن تستخدمي محضره الطعام(ست البيت) بالنسبه الي افضل اسوي كل شي بايدي بسس كمت ابجي من وره افكاريلتخافون مو من فد شي بس بصل حار هههههه
من بعدها نظيف اللحم المثروم
نجي على تتبيله كلها نضيفها سوه على حشو ونقلبه زين ونتركه بالثلاجه كل مابقه وقت اكثر كل ما كان متشبع بالطعم والنكهه طيبه
خطوه الاخيره والاهم هي عمليه الشوي
حتكون على نار بستعمال طاوه التيفال او كابسه الصاج !!!
اي لاتستغربون اليوم جربتها
بعد ان نقطع العجين نقوم بفرده ب(شيبك) يكون سمكه تقريب نص اصبع ممكن يكون ارق حيطيكم طعم الصاج اكثر لكن ماافضل اكثر سمك حتى يكون سهل الشوي
نضع قطعه بطاوه او كابسه الصاج ونضيف الحشو ثم تغطيتها وتكون نار هاااادئه جدا
ولاشيلون الغطه قبل دقيقتين على اقل حتى بخار لايسرب لان هو حيستوي على بخار
وهاي شكل النهائي
طبعا يدوب لحكت على هالصورتين اخذت لان بسره العائله يجوني كل شويه واحد ماخذ قطعه ههههه ولو جان اكو وجبه لخ خليت عليها جبن وزعتر اهنا يدوب فرديات بسس مهم وصلت فكره ^_^
ان شاء الله عجبتكم ....وحتى لو معجبتكم مهم اهلي حبوها واكلوها خخخخخ(داشاقه)
رد مع اقتباس
المشاركة الأصلية كتبت بواسطة ঔღঔ gemini girl ঔღঔ
