هنا

[ذات الرداء البنفسجي]

همّ يا كلب باليجي...وحنّ يا كلب عالــــراح...
واسبح ابشطّ الحزن...ظهر ومسه ومصباح...
هيم ابصحاري التعب...واجويك من ترتـــاح...
ما دام ضاع القفل...شنسوي بالمفتــاح..؟؟؟

[ذات الرداء البنفسجي]

شكراً ع الطرح

​كلالام روووووووووووووعه احسنتم

[¥محبوب$القلوب¥]

شكراً ع الطرح

[ذات الرداء البنفسجي]

.
.
ترف روحي عليك وكلبي ولهان
وعلى أدروبك كعدت انطر وأتانيك ..
مايحتاج اباوع وأشغل العين
من تگرب افز كلي واحس بيك ..
واميزك من تجي من بين مليون
انه بروحي اشتبه بس مشتبه بيك ...

[ذات الرداء البنفسجي]

مـــــر بينه وخذاه الموت وتعـده
ياموت اعلى هونك سيفك اشحده
احبـــــــاب وگعدنه وكلنه ملتمين
طبيت وخذيته وخربـــت الكــعده
تطب دومك غفل يمفرق الاحباب
وتخلي الناس كلمن دمعته ابخده

[ذات الرداء البنفسجي]

كلها تغيرت من ال ألف للياء
وكت كام الأصم يضحك على النبره
زمن بيه الطبيب ايموت العدلين
زمن بيه الفقير ايعيل بالفقره
زمن لتسوي زين اتعيش بي مرتاح
زمن بيه ألفتك يضحك على الابره
صفه جذع النخل يحترك بلتنور
وعلى جذع الجرح شو كتبوا الذكره
وكت كام اليحب يندفن بالحسرات
عكب ما جان دافن گلبه بالحسره
على درب الفرح ميمرن الضحكات
وعلى درب العيون ادموووع متسطره
وصل بينه الحقد ندفن هدوم العيد
وأخاف ابفكره نفرح ندفن الفكره

[الايهم]

جميييييييييل وانشالله تٌبدعين بالقادم...لايك

[ذات الرداء البنفسجي]

سألــوني تــحب كــلتــلــهم احــتار
جربت العـشك بــس طلــع بدعــه
ابد ماكو وفــه بس حــجي باللسان
فعل ماضي العشك مكسور ضلعه

[الايهم]

ماكو اشكال شرعي بحبي وياك
وشنو يعني اذا اكو اشكال شرعي
وشنو يعني اذا بجيتني شبيك
جا ربك عليمن سوه دمعي
وشنو يعني اذا طبيت للنار
اذا انته وياي كلش زين وضعي

[ذات الرداء البنفسجي]

كالولي هم عطشان؟ كتلهم اهـــــــــــــواي
ماعرفو المقصود جابولي بس ماي ..