عليك ما بزرف دموع
ولا بطفى للحب الشموع
فارقنى روح من غير وداع
زى شمس كسفت
ومات فيها الشعاع
فرشت ليك دربك ورود
راجيك تصون ترعى العهود
سقيته بالحب والحنين
ماكنت فاكرك زول ضنين
خداع وماك زولا أمين
لقيت معاك كل الهوان
لقيت معاك مر الانين
ما تفتكر ريدك دفين
يأسرنى بى طول السنين
فارق دريبى خلاص كفى
قلبى الوراك اتمزق نزف
الليلة تاب وبدون أسف
عن ريدتو لى قلبا حجر
الرقة تب ما بعرفه
فارقنى روح
مانى العليك متأسفة
قلبى الجريح باكر بضوق
طعم الفرح
انت ما بتستاهلو
سيد ريدو باكر
فيهو تشرق شمسو
بى نور الصبح
بقلمى / ود جبريل
رد مع اقتباس
المشاركة الأصلية كتبت بواسطة برنسيس سوسو
