هنا

[ارجع يازمان]

الى المتطفلين على الشعر وانا منهم!!
______

قبل لا تكتب الأشعار يفلان
اعرف وزن نفسك قبل الأوزان!

الشاعر ضمير اويه اليعانون
والبايع ضميره اهوايه خسران!

لا تتهمبل اعله الما يعرفون!
عود انته التشوف وهمه عميان!

وبيوم السجال اويه اليغلسون
من العنبر وتتحول ادنان!!

تعال وبالمساجل تعرف اشلون
امطرلك قوافي ابكل الالوان

اذا تصمد شهر, كلهم يشهدون
نقلدك بالشعر , وتصير ابوافلان!

فضائيتك صفر. يلخابص الكون,
لبست الشعر. مقياس الاكفان!!!

الشاعر رسول ابوحيه مجنون
ضد العاقل الميحب الاحسان!

جم شاعر المات وهسه مَدفون
اشعاره البقت ماطمها دفان!

لا تنتظر صَفكه إمن اليصفكون
يافشلة الصفكه ابلايا وِجدان!

إكتب عالفرح وإشما يريدون
لكن خلي دمعة البيت الاحزان,

حاول بالكتابة اتسر العيون ,,
ولاجمل احساس اتصير عنوان

يصح ديوان لا صوره ولا لون
وتصح ومضه جميله التسوه ديوان!

أنه أكتب شعر ويه اليكتبون
بس ما طبليت الياهو الجان!!!

وأكفر بالشعر واللي يصفكون
لوما خَلوا الهل صفكه ميزان
لوما خَلوا الهل صفكه ميزان
حسين االساعدي

[abas satar]

رؤؤؤؤؤؤؤؤعه

[زهرة الرمان]

شكرا

[مريم الحبيبه]

رائعه من روائع الشاعر حسين الساعدي

٢

محتار



محتار واعرف حيرتي صعبه---تدريني عايش غربه بالغربة
لا أنتَ يمي اتعود
لا أنه اَرد اردود
مثل الحتار ابروحه وبكَلبه!
محتار واعرف حيرتي صعبه

-----

ابكلمة عتب لا تجرح أحساسي---بأسمي كتبتك لا تظن ناسي

بس الزمن خَوان
باعدني عالخلان

تاركني مثل الضايع ابدربه!
محتار واعرف حيرتي صعبه

-----

جار الزمان الغربة وداني---واتحصر اعله الوطن خلاني

ربعي إوهلي وَياك
جم غالي عفت أهناك

معذور دمعي لو جمر صَبه!
محتار واعرف حيرتي صعبه

-----


صارت الصدفة ابكل عناويني---تعرفني من دمعات البعيني

بلكَت إبصدفه الكاك
متعطش الملكاك

ناطر أمر ربي واليكتبه!
محتار واعرف حيرتي صعبه



بقلم
حسين الساعدي



تدري ليش؟


تدري ليش أحب وجهك
لأن
رسمك وسط عيني!

وتدري ليش أحب اسمي!
لأنك
بيه تناديني!

وتدري ليش عفت الناس!
لأن
همه الخراب الصار
مابينك وما بيني
!!!


حسين
الساعدي


وأنه متعجب عليك ابهل أمر
اشلون عيد وعيديت اويانه!

والورود اتداينت منك عطر
والليالي ابشوفتك فرحانه

هذا ياشاعر يوصفك بلشعر!
وياجمالك مايصح عنوانه

البارحه اتعاركو روحي والنظر
وكلبي هد ابونته التعبانه

والسبب كله ابجمالك واشكثر
رادوا ايوصفونك ابملكانه

صممت روحي ابوصفها وتعتذر
انته جنك مشمشه وريانه

والنظر خالفها ما عدها عذر
وكال عنك بالظبط رمانه!

والكلب هد ابونينه ويعتصر
وخالفاهم واشتعل بركانه

وصفاك ابلوحه راسمها القدر
تختلف عن البشر والوانه

وصفاك اطيور وعيونك بحر
والعيون الشوفتك عطشانه

وَصفاك الكمر يا ضي الكمر
والدليل ابوجهك الضوانه

انته نازل بلغلط ويه البشر
ياكمر وشنزلاك اهنانه!!
ياكمر وشنزلاك اهنانه!!
االساعدي



صرت رسام لأجلك ريتك اتشوف
تتعجب على رسمي إمن اراوييك
رسمتك وَرده حلوه ابين الجفوف
حتى إمن الصبح أكعد وأشم بيك

الشاعر حسين الساعدي




مَشاعرنا رَهيبه إبرقه ماتنقاس
من عدنا الورد يتعلم الرقه!

تتلون اوراقه ابخجل لو ينباس
منسجمين ورقه اتحاضن ابورقه!

أنهَ وأنتَ عَلمنه الهوه للناس
والقلد هِوانه إهواي يترَقه

يا أحله قصيده وِبقَلم حَساس
يزعل كون ما سويتك الأرقه

أحبك كلمة حلوه كون ما تنجاس
هالكلمه الجميله بس الك تبقه

أول مره أحس بمبادل الأنفاس
لَمن روحي صارت بيك مِلتصقه

سَكرته ابغرامك يل محبتك كاس
لتلوم الكلب من يشتهي حَقه!

أريد اختار الك كلمه فلا تنقاس
لأن كلمة أحبك حيل منطرقه!

الساعدي

[مريم الحبيبه]

أبي حُبك يداوي الروح شاهد كم جرح بيها
أبي منك قبل لتروح تجي الروحي تداويها!
أحبك تمسح ادموعي ترى البسمات ناسيها!
أبي ترسملي البسمه الضاعت كل معانيها!
أبيك اتطمن المحتار ابقصتة اشلون تاليها!
أبيك ابنظرة لعيوني تخلي السهر يجفيها!
أبيك اغنية للمشتاق إذا لاموني أغنيها!!!
وأي كلمة عتب بعدين يوم الحشر خليها!!

الساعدي

[ارجع يازمان]

رؤؤؤؤؤؤؤؤعه

شكرا لحضوركم الاجمل

[مـــــــــــروه]

رَوَوَوَوَوَوَوَوَوَْعُه

[ارجع يازمان]

شكرا

لحضوركم