گذلة عرس
گذلة عرس
دوف الليل كحله ابعينك ونام
وغفه وسلهم ويه الليل
ومر بيه ابحلاتك حتى لو بس طيف
حتى اگدر اغور بيك حور العين
عوافي النوم يحلالك
حبيبي العشگ يبرالك
بيه يلوگلك كلشي
حتى وياي من تمشي
الله انطاك ميزه ابواهس العرسان
واهس بيك چن واهس بلابل عاشگه البستان
ترفه اسوالفك بالليل
تفزز كل چفن نعسان
الگمره ابديرتك تخدر
وتاخذ ضوه من الحيطان
ابروده احچايتك غبشه
وبيهه يطگ غصن بستان
البلابل تطرب ابملگاك
حتى الغصن يخدر چان
الليل ابواهسه يغطيك
الهوه مرات يشتم بيك
الورد لاحظته يهتم بيك
المطر من ينزل يحاچيك
ربك كلشي شو منطيك
جاي استورحك بالماي
گمت حتى اشتهيك اهواي
ابحلات كمت اغور كل حلات التين
ابصوتك يخدر المشتاگ ويدغدغ محاضن ليلة معرسين
رد مع اقتباس
