وهزاني الهوه وحنيت!الشاعر حسين الساعدي
جبت كل العراق ابصفنتي ورديت!!
حسين الساعدي
///////////
غريب
وعمري ضاع بكلمة الياريت
وهَزاني الهوه وحنيت!!
وشتاكيت وشتاكيت
أشم ريحة أهلنه ابدربي لو مريت!
وتمنيت شتمنيت!
ألكه أطباعنه الحلوه ابهذاك البيت!!
وتعنيت
وتعنيت
وكلبي ايسابك الخطوات
وِشكَد حَضرت بسمات
ماظنيت
ماظنيت
أنه ابحاجة الدمعات!!!
وجنها اذيابه بعض الناس بس ارسومها جنها حمامة بيت!!
وغريب ابديرتي وضليت!!
ورجعت الكلمة
الياريت!!
وشفت مبخوت ميشور!!
وأثاري الحوبه هَم بلصيت!!
وشفت
فقره وعله الماكو
فاضوا مستحه وبغايتي اتكفيت
وتماسيح
التلف كلشي
مامره البحرهه زرته وترويت!
وِتمنيت
يم هذا البحر ماجيت!!
وشفت بغداد مهمومه!
وحيل ابحاجة الرحمه وزدتها ابدمعة اتعنيت!!
وشفت الما تشوفه العين!
شفت طيبيين مجروحيين
وشفت احرار مسجونيين!
وشفت التاجروا بالدين!
وشفت أهل النفاق اشلون كلبوا صورة الطيبيين!
وشفت الخوف هو ايحَرك الميتين!
ولدموع الوطن صديت!
حيل ابدمعتي اتوازيت
وصاير بالوطن ممنوع فرحه وطشت الجكليت!!
ويامهموم ينطي ادموعه للمحتاز!
وانه الدمعتي احتازيت!
وتمنيته حلم وبصحوتي وفزيت!
لكن للأسف وَدري الحقيقه اوياي
طبت للوطن وياي من طبيت!!
وعاتب روحي وتأذيت!
ويهلال التمني اشبيك ماهليت!
ديرتنه وتجافيني
ولا جَني ابحظنها اهناكَ وتربيت!
والغربه وتناديني
وتكلي الجيتك إشتاكيت!!
وقبل لا أحجز الياريت!!
خَذت دمعات محرومين
أضمها ابغربتي بعدين!
وجبت كل العراق ابصفنتي ورديت
جبت كل العراق ابصفنتي ورديت!!
وشرَديت!!
ااالساعدي
رد مع اقتباس
اتخبل اتخبل قريتهه مرتين روووعه شكراا
المشاركة الأصلية كتبت بواسطة مجنونة عيونك
