هنا

[Muntader]

الكوت/نينا/ قرر مجلس محافظة واسط في جلسته المنعقدة اليوم الاحد اعتبار يوم غدا الاثنين التاسع من محرم والثلاثاء العاشر منه عطلة رسمية .
وقال رئيس مجلس المحافظة محمود عبد الرضا طلال لمراسل الوكالة الوطنية العراقية للانباء/نينا/ :" ان مجلس المحافظة صوت بالاجماع على اعتبار يوم التاسع والعاشر من محرم من كل عام عطلة رسمية ليتسنى لاتباع اهل البيت اقامة الشعائر الحسينية الخاصة بذكرى استشهاد الامام الحسين بن علي عليهما السلام ".
واضاف :" ان اللجنة الامنية بالتنسيق مع غرفة عمليات المحافظة وضعت خطة امنية محكمة لحماية المواكب والمواطنين خلال احياء المناسبة المذكورة "

[Midnight Poison]

ظلوا بالعطل الناس تحذف العطل حت تعدل من مستواه الاقتصادي وعالج العجز بالميزانيه واحنه ننطي عطل ونرجع ليوره

[Mustafa AL_Attabi]

ليش هيج اختنا الكريمة هذه الايام الها اسبابها حتى تكون عطلة
احنا ببغداد انطونا عطلة احد واثنين وثلاثاء حتى الطلاب الويانا من المحافظات ما يتضايقون بالسفر ولا يقصرون في تادية الشعائر الحسينية في مجافظاتهم
اختي التقدم ما يتوقف بسبب الشعائر بل بالعكس تزداد روح المحبة والاخوة والايمان بالاخر بمثل هذي الايام المقدسة
شكرا اخ منتضر للخبر

[Midnight Poison]

الامام على عيني وراسي بس وضع العراق الاقتصادي من سيء الى اسوء
يعني الدوائر تتعطل شهر كامل بسبب هالوضع
الامام مايقبل تتعطل امور الناس ويتعذبون، اني مو على هالعطلتين احجي
اني على كل عطله ينطوه بسبب وبدون سبب
تعال وشوف هنا حايرين شلون راح يعطلون براس السنه ودايحاولون يعوضوه
وحت بالعيد الفات انطو الخميس عطله بس السبت علنو دوام حت ماتتعطل امور الناس ويجنبون الخساره الاقتصاديه الي راح يتسببه تعطيل يوم
وحت اغلب الوزارات رفضت تنطي سبوع
واحنه بس فالحين بالعطل ومانصدك تجي مناسبه المدارس تتاخر والمناهيج ماتكمل والشغل يوكف وهواي شغلات
أووووي والله راح يصير بيه شلل من السوالف الي داصير بالعراق

اووووووووووووويلي

[QuRsAn Al7OoB]

اني اكول شكرا على الخبر وبس
وفي امان الله
خلي افلت من الموضوع احسن

[Muntader]

الامام على عيني وراسي بس وضع العراق الاقتصادي من سيء الى اسوء
يعني الدوائر تتعطل شهر كامل بسبب هالوضع
الامام مايقبل تتعطل امور الناس ويتعذبون، اني مو على هالعطلتين احجي
اني على كل عطله ينطوه بسبب وبدون سبب
تعال وشوف هنا حايرين شلون راح يعطلون براس السنه ودايحاولون يعوضوه
وحت بالعيد الفات انطو الخميس عطله بس السبت علنو دوام حت ماتتعطل امور الناس ويجنبون الخساره الاقتصاديه الي راح يتسببه تعطيل يوم
وحت اغلب الوزارات رفضت تنطي سبوع
واحنه بس فالحين بالعطل ومانصدك تجي مناسبه المدارس تتاخر والمناهيج ماتكمل والشغل يوكف وهواي شغلات
أووووي والله راح يصير بيه شلل من السوالف الي داصير بالعراق

اووووووووووووويلي

ظلوا بالعطل الناس تحذف العطل حت تعدل من مستواه الاقتصادي وعالج العجز بالميزانيه واحنه ننطي عطل ونرجع ليوره

هههههههههه هسه اللي يسمعج على اساس يكول راح توكف المنتجات العراقية.. الصناعات العراقية.. الاستيرادات والتطورات العراقية

اهوووووو نسيت راح توكف الاختراعات بهذه العطل ههههههه

[Muntader]

توفي وقرصان شكرا لمروركم

نورتوا

[محامي الحب]

ظلوا بالعطل الناس تحذف العطل حت تعدل من مستواه الاقتصادي وعالج العجز بالميزانيه واحنه ننطي عطل ونرجع ليوره

كنا لانستطيع التفوه بكلمه بعطل السيد قائد الضرورة مسبقاً لكن عندما تكون العطل لاداء شعائر نربطها بالتقدم
أي تقدم سيدتي الكريمه ماذا فعلو بالايام المتبقي حتى نحتج على باقي الايام ,, نأمل الهدى للجميع بهذه الايام ..

[Midnight Poison]

شوف وين دخلنا محامي
وكت صدام راح واني مداقرن بي
اني دااحجي بصوره عامه

ع العموم هذا راي ومومهم تقتنعون بي

[Muntader]

عادي براحتج

شكرا الك محامي الحب لتعليقك ومرورك