قصيدة بسك هجر بقلمي
السلام عليكم سبق ونشرت هاي القصيده بس حبيب انشره يمكم وتنطوني رأيكم اصدقائي شكرا لكم
من النحيب اعليك ذابت مهجتي
واكثرة يهواي عگبك ونتي
..............................
من النحيب اعليك اعيوني انعمت
ونار هجرانك ولا ساعه انطفت
تغلي بالدلال ماظنه ابردت
من رحت لليوم زادت علتي
..............................
من رحت لليوم ماشفت الهنه
اليوم بفراكك علي صار بسنه
چنت اظن انساك متوهم انه
شلون انه انساك وانته رويحتي
...........................
شلون انه انساك يانبع الحنان
وانسه كل كعداتنه بذاك المكان
والله من اذكر انه ذاك الزمان
تهيج روحي وابقه اجر بحسرتي
................................
تهيج روحي بغيبتك بسك هجر
ونار هجرانك بجسمي تستعر
كافي اترجاك مو راح اندمر
وبسبب فرگاك سالت دمعتي
....................................
ابسبب فركاك ماشفت الوسن
وجروح بالدلال ماظن ينمحن
سهام هجرك ماخطن من صوبن
صابن الدلال زادت بلوتي
...............................
بقلمي يوم الجمعه الموافق ١٧/٥/٢٠١٣
علي الشمري
رد مع اقتباس
