الشكر لله سيديالمشاركة الأصلية كتبت بواسطة مواطن عراقي
الكل يعلم ان النفط هو المصدر الرئيس ويمكن ان يوصف بالاوحد للشعب العراقي ومنه رواتب الموظفين من رئيس الجمهورية الى فراش المدرسة اجمعها وستعلم اين تذهب واردات النفط التي اكثر من ربعها تضيع هدرا بسبب الفساد الاداري
توفي مون
احيي غيرتك العراقية على بلدك
واستخلص من اجوبتك انك انسان تعي ما يدور حولك
الالم يعتصر قلوبنا لكن الامل يدغدغ مشاعرنا
لا بد لليل ان ينجلي
حسبنا الله ونعم الوكيل
بغداد.... مكانت اسوء المدن:
بغداد
مدينة السلام
الزوراء , قبلة العلم والعلماء عبر التاريخ
في تركيا
عندما يضربون المثل بالرفاهية المفرطة يقولون ( تنبل بغداد) وهي ليست مسبة
انما تعبيرا عن الحسد على الرفاهية والعيشة المترفه
كذلك يقولون في تركيا
(لا حليب مثل حليب الام ولا مدينة مثل بغداد)
الكعبة قبلة المسلمين في كل الدنيا
وكربلاء قبلة عشاق ال بيت الرسالة
والقدس قبلة الاديان السماوية
وبغداد قبلة المجد والعلم والحضارة
اليوم بغداد
اسوأ مدينة للعيش في العالم من بين 250 مدينة
حسب التقارير الدولية
اتت بغداد في اسفل القائمة على الاطلاق
اسوأ المدن في الدنيا أمانا لاهلها واسوأ المدن عيشا لاهلها
كم هانت بغداد ؟
انها رمز لكل عراقي شريف ومحب لوطنه
فحب الوطن لا بد ان يبدأ من بغداد وينتهي اليها
حتى اغنية فيروز (بغداد والشعراء والصور) اختفت من الوجود
لعلها حجبت نفسها خجلا من ترديد كلماتها
على ضوء الواقع المؤلم ..... بل المخزي
نعم المخزي .... لمن يحكم بغداد
المخزي ... لكل صاحب سلطة ومنصب
المخزي .... لكل سياسي
المخزي .... لكل عضو برلماني
المخزي ... والمخزي .... والمخزي
ولكن لا خزي لبغداد .... بل العزة والمجد لبغداد
فما كان ذنب بغداد ولا طبعها الخزي
لن نقبل اي عذر من اصحاب الاعتذارات
انهم يسرقون من عمر العراقيين في بغداد وكل العراق بالاف نقاط السيطرات
كل يوم العراقي يمضي ساعتين في انتظار المرور عبر نقاط التفتيش
وعندما يبدي استياءه
يصرخ به احترم الدولة هاي النقطة تمثل الدولة
طيب ليش الدولة هي ما تحترم شعبها ؟
اليس الامان ثمنا عادلا للوقت المستقطع من عمرنا ؟
مع ان الامان هو من صلب عمل الدولة وبدون مقابل لكننا رضينا بشراءه بجزء من اعمارنا
لابد ان هناك من سيقرأ هذه الكلمات وسيحاول ايجاد المبررات
لكن ... عذرا يا سيدي
لن نقبل باي مبررات مهما كانت
*
بس صارت اسوءها
السبب مو مهم... لانه الكل راح تتفلسف:
فخلونه بالنتيجة:
بغداد صارت اسوء مدينة؟
وخلال التسع اسنين المضن كان مدى تراجع بغداد في تعاجل مضطرد... وفي تلك السنون العجاف... كانوا الامريكان هم الامر والناهي... وهم قد دخلوا اثر الدعوة المفضوحة للدكتاتور صدام حسين(ما اريد اخوض اذا كان رجل صالح او طالح* الامر كله انه هو وفر الهم الحجج الكافية) واليوم بغداد فقط محتله وبقلبها بالقرية الرئاسية او ما يسمى جزافا المنطقة الخضراء... بيها من غير الموظفين السفارة المحتلة الامريكية ١٦... الف مسلح امريكي بجوازات سفر دبلوماسية: والحكومة تفتخر بانه البلد محتل:
مو حتى الامم المتحدة مستحية تشيل البند السابع عن العراق، لان ما كو سفارة بالعالم يتجاوز عدد موظفيها وحاملين جوازات دبلوماسية عن المية؟ ميتين روح بالزايد!!!
زين... هذولة منو الجابهم للحكم: لو مو امريكا راضية عنهم كانوا هسة لو بغوانتانامو... او حتى ببوغريب او في خبر كان... بس لا امريكا تحبهم وحب غويط ئوي!
والناس انهبلت: ليش؟
لانه صارت اتشوف ناس تريد بكلمة حق... امرا باطنه باطل!
اشون؟
الشيوخ؟ ائمة المساجد؟ رؤساء الاحزاب؟ ممثلي الشعب؟ القومية المتخلفة والطائفية الحاقدة؟ والارهاب؟ : كل هذوله يتلاعبون بمشاعر العراقيين الي حقيقة واقعة هم تشكيلة رائعة من كل الفئات ومختلفين واختلافاتهم احيانا شديدة: لكن في وقت الدكتاتور(المرحم حتى افراد عشيرته او احفادة من حسين كامل واخوه صدام كامل) الكل كانوا سواسية ناس مضطهدة في ازمنة الرجل الواحد! ورغم هذا ما قتل عراقي ثاني: وان دورات وقفت صاحبة ضمير او صاحب ضمير بوجه الطاغوت، وكان يعرف لو القتل مصيرة او الغياب في ظلمات السجون ولو الحظ كان متساهل وياهم: فتشردوا مثل حالاتنا!
اليوم: الي يدعون وهم مجرد كذبة بانهم يمثلون شرائح معينة من الشعب المصاب بعقدة الاضطهاد بانهم هم اسيادهم ورؤسائهم وحماتهم وممثليهم: هم الي يخلون الاخ يقتل اخته او ابن عمه او جاره: وليش؟
لان يقدر يستغل عاطفته ويخليه عبد مغسول الدماغ!
اني اعتقد: العراقي لازم يقوم هو بصنع سياسته الخاصة: لان كل الانظمة السياسية بالعالم ما هي الا انظمة حقيرة ودكتاتورية واولهم ايران واميركا
يعني لو بدت حملة للمتخاذلين: لسؤالهم عن واجبهم اتجاه البلد:
من هو المتخاذل؟
هو الانسان الي يقول اني شلي شغلة، هسة لا مدير ولا صاحب حمير شلي شغلة باللغاوي؟؟؟
لو هذولة مثلا بدوا يجمعون تواقيع ووصلوا لحد الخمس و عشرين الف توقيع! راح يعرفون بأنهم مو عاجزين: بل سلطة وسلطة الشعب اقوى سلطة!
يعني مثلا:
بطاقة الهوية يستنسخوها ويوقع بتاريخ اليوم والشهر والسنة ويكتب عنوانه: ويخلي كل الناس الي مراضية عن الديصير يسوون نفس الشي: مراح نحصل عى خمسه وعشرين الف انسان بس ابغداد؟
وهذولة يقدرون يرفعون الثقة عن الحكومة بكل بساطة: والسبب انه احنة بفضلهم صرنا اسوء واقذر واخطر مدينة بالعالم: بغداد
مجرد لغيي على الصباحيات: منو راح يقول اني شلي شغلة؟
خليه يكتبها ولا يستحي!
والي يريد يقول خوش فكرة، خل يبدي ابنفسه!
بغداد ستعود لتكون مركزا منيرا وقبله للعالمين،،،، بوجود الكثير من الاصدقاء ورغم انف الاعداء والمتأمرين... والاغبياء او حتى المتخاذلين!
شكرا عزيزي مواطن
بغداد مرت بضروف اسؤ وانشاء الله انشوفهة شامخة من جديد ..........شكرا على الموضوع القيم
بغداد وهل خلق الله مثلك في الدنيا اجمعها!!
رد مع اقتباس
