قصيدة رائعة لآبن محافظة واسط الشاعر (( راضي الموسوي ))
عيـــــوني بغيبتك تشبكـَ نجوم الليل .... وإذا ميشيل طيفــــــــــك جفني ما سدة
أسـمك لو خطف دمع العيون يفيض .... واغمضـــــهن بــــــدي بس كَلبي يتبدة
اليحبـك بي بخت مو لان يمشي وياك .... اليحبك بي بخــــت من يخلص بجلدة
اذا درب العشــك تمشي وغفل تنعاف .... طريقــــــك لو شمس ما تكَدر توجدة
عفتني لوحدي وظل حزني يمشي وياي .... مشي الـــــدافن حبيبة وراجع لوحدة
الجنت بيـــــــهن أكَـودك واعبر الشمات .... بيهن كَـمت اكض خاصرتي واتعدة
مثل ما جنت احضنك واغفى واشبع نوم .... طعــــناتك غفن وحدة بحضن وحدة
ضلـــــــوعي تكَطـــعن وانتة ولا حسيت .... رايح جـــــــــــاي بيهن سيفك تحدة
بعد مــو ذاك الاول كَــــلبي راح يموت .... تعــــال اخذ الجروح الضامهن عندة
وأخـــــــافن تنسأل هذا الويــــــاك منين .... كَلــــــــــهم هذا واحد كَـــلب ما عدة
لتكَــــــلي أحبك غير المـــــــــــوضوع .... الحب أشكـــــد أجــالك وانتة التصدة
طبع شفتة اعـلة خدك كَال خاف يضيع .... وانتة جفــــــــوف اديك انطبعن بخدة
عشــــــاكـَ الصـــــدك لو كَعدوا إبستان .... نفسهم ينكَــــــطع من تنكَـــــطع وردة
أنكَطع كل الورد وانسحكـَ وانتة تشوف .... وجبينك بالجـــــــــذب ما عركـَ واتندة
عفتك بس شـــسوي الكَـــلب لازكـَ بيك .... لزكـَ بيك الكَــــــلب ما أعرف أشعندة
حروف اسمــــك بقن بشفافي مكتوبات .... أعـــــــــض بيهن نـدم بس الاسم بعدة
صنـــم سويتلك ينــــــطي شبة لآبليس .... شـــــــافوا ما رجمــــــــتك كَالوا تعبدة
بجــــــــفوف الكَلب مكَـــطوع ومتانيك .... شوكت يكَــــــــطع بعــقلك خاطر تشدة
رد وين افتركَـــــنا تشــوف ماي هناك .... إســـــــــألة منين أصــلة افتهم من عندة
هذا الكَــــلب ذاب اتبـــــخر من الضيم .... وصعد بعيـــــوني غيم ويمـــــــك اتبدة
مو بس المسيـــــح يرجـــــــع المـــيتين .... لأن كَـــــــلبي يحبــك تكَــــــــــدر تردة
((وهذا مقطع تصويري للقصيدة ))
رد مع اقتباس
المشاركة الأصلية كتبت بواسطة Dr.House
