اني مو طيار و لا الي اي علم بالطيران و خبرتي بالطيران تقتصر على شغلتين الاولى قطع التذكره و ركوب الطائره لغرض التنقل و الثانيه من اخذونه دوره سنة 2005 و سوينه محاكاة لانزال جوي بقاعدة التقدم الي هيه ( مطار الحبانيه ) ... هاي المقدمه بس مجرد ان اني مدا اتفلسف براسكم حول الموضوع الجاي
.
.
العراق اشتره 5000 صاروخ هيل فاير من الجيل الثاني وزن الصاروخ الاجمالي 50 كيلو غرام ( حشوة محرك راس حربي معدات )
ما اريد اشرحلكم باطاله و حطب بالمفيد
وزن الحشوة 9 كيلوات حسب الشركه المصنعه يعني شكد بقه من وزن الصاروخ ؟
يعني بقه 41 كيلو غرام
لهنا كلشي حلو و تمام
بالهيليكوبترات حسب ما كالتلي العصفوره الي سطرتني اكو شي مهم كل طيار يسويه حته يعرف شلون يناور بطيارته و يسوي المعادلات الرياضيه براسه علمود السرعه و الانخفاض و الارتفاع و من هالسوالف مالتهم و هو معرفة الوزن الاجمالي قبل لحظة الاقلاع فارغ و قبل لحضة الاقلاع محمل ..
طبعا هالشي الطيار يسويه بنوع من المعدات عالي الدقه و يظهرلك الفرق بالوزن بالغرامات
.....
.....
.....
رباط السالفه وين
!!!!!! من الطيار يشوف حمولته ناقصه 16 كيلو
و هوة نزل بس يتزود بوقود و بصاروخين هيل فاير
و عازل وزن صناديق العتاد للسلاح الساند و عازل وزن الوقود و عازل وزن حته بطالة المي الي صعدهه
و وصلت بيه الدرجه ان يسال الطاقم طبوا للحمام لو لا حته ينزل وزن المخلفات البشريه من الوزن الاجمالي
... المهم
ضل دايخ و ميعرف وين راحت ال16 كيلو ..... كمل المهمه و رجع و ثاني يوم قبل لا يروح يفحص كال خلي امر على التذخير و الميره ...
طبلهم كللهم متوزنون الصاروخ ..
كلوله وازنيه و وزنه 42 كيلو صافي !!!!
المهم طيارنه العزيز دار وجهه و راح لشغله سعيد و مرتاح و متاكد ان المؤامره على تسليح الجيش العراقي واصله لذروتها و هاي الحرب ما هي الا تجاره اكبر منه و من ارواح العراقيين و مقدرات هالشعب
و للتاكد من هالكلام حنطيكم مقارنه بسيطه
الرابط الاول هوة لموقع الويكيبيديا عن نوع الصاروخ
http://ar.wikipedia.org/wiki/%D8%A5%...A7%D9%8A%D8%B1
اما هذا الرابط الثاني هوة لقصف جوي لطيراننا بصاروخ هيل فاير ( ابو الكيلو مو ابو ال9 كيلوات )
https://www.youtube.com/watch?v=DLFXFCrt7Pg
عبالك ضاربهم بطابوكه مو بصاروخ
و هذا الفديو الثالث لقصف صاروخ الهيل فاير الاصلي ( ابو ال9 كيلوات مو ابو الكيلو )
https://www.youtube.com/watch?v=3xJq...layer_embedded
شوفوا الفرق و انتوا احكموا
رد مع اقتباس
