موكلتلي انساك فهمني الي صار
شو نسيتك وانت مانسيني
عيوني مابيها دمع لتمد اديك
واسي روحك لاتجي تواسيني
ادري بيك جروح جايب من اجيت
وبس اكلك امنت توليني
ملحي ماغزر طعنتك يالله جيت
شنهي قابل غزرت سجيني
اني حاسبها القيامه الدنيا هاي
وعندي زين بجفه بد فن شيني
وانت شينك عاصفه وزينك رماد
ذره روحه وماوصل مو زيني
روح عيش وجرب الدنيا بجفاي
وسوي كلشي ابالك وخليني
وعاشر الرادوك تنسه ولاتعود
مويغدروك وتجي تراضيني
بعيني اكلك سهله من تغدرني دوم
وارد اغدرك كلبي ماينطيني
لهذا خلصت العمر كله بهواك
انت تغدر واني اكول بعيني
لاتكلي وياك جايبلي الربيع
وانت بيدك ذبلت عشريني
هسه محبس بيدك تكلي اصير
وين البسه امن انكطع جفيني
ليش متصورني لعبه ابين اديك
اوين ميميل الهوه توديني
اني عفتك للزمن والله الكفيل
هو يحكم بينك ومابيني
اني موذاك التجرحه ويحتويك
اني غيرني الزمن وسنيني
لان نار انت صبحت صرت اني ماي
يعني هسه اطفيك بس تجويني
شرط واحد عندي اذا رايد تعود
اتريد ترجع لازم اتجافيني
عيوني زغرها السهر بس العجيب
هاي دنياك اطلعت من عيني
رد مع اقتباس
