هنا

[الأميـر]

انا لا اكتب في السياسة
ولا اكتب شعر شعبي
ولكن ....


اريد احجي علة داعش ليش داعش صار
وليش احجي علة داعش وانسة داعشنه

جنّه بدار حلوة وجانت أحسن دار
بيهة احنه انولدنه وبيهة هم عشنه

جانت واسعة وتاخذ شكد خطار
وما نفرش زوالي , الفرحة تفرشنه

جان الطبع واحد نحفظ الاسرار
أرق من النسيم طباعنه وخشنة

ليش الجار كام يكفر اخوه الجار
ليش علة الهوية الجار فتشنه

ليش الخوة طاحت وانشملنه بعار
نهتك ستر اختنه الجانت بعشنه

ليش ركاب اهلنه تروح للجزار
حشهه ورد عليه بمنجله يحشنه

ليش وليش ليشات العتاب كثار
من كثر السدة والصار لشلشنه

داعش وين داعش كاعد بيا بار
يسكر من دمانه ومايه برشنه

واحنه نصيح حيهم يالربع ها ثار
تاليهة الصدك من صار .... دشدشنة !!!

من ظفرهة
يجر داعش الحرة من ظفرهة
ولا حر اعتناهة من ظفرهة
يا ايد الما تحكني من ظفرهة
أكصهة واحك جلدي بعظم اديه

بقلمي
18/8/2014

[الريم]

الله يسلم قلمك رووعة

[احمد جبر حمود]

شكرا

[ملاك الاحساس]

كلمات أجبرتنى على مشاركتكـ لإحساسى بصدقها
وإيمانا منى بقلم يختار أجود المفردات
ماذا أقول لكـ يا سيد الحرف ومنبع المعانى
وبستان الكلام ..المعطره
لك اكليل الزهر
مع وافر التحيه

[الأميـر]

الريم
أحمد جبر
ملاك الاحساس
كلكم نور اضاء الصفحة
كلكم عطر عبق الحروف
عظيم الشكر لتواجدكم هنا
تحية وود