هنا

[Kasbar Al Bagdada]

الريس كردي ويتباهه
او للمجلس رشحنه جبوري
وحنونه المسكينه انصدمت
فرغه المجلس للزوري
والمطلك ظل يطلك وحده
طلعني الس ؟من طوري
دكتور وأستاذ وعالم
بس اي من كهوة قدوري
8 سنين ورايد تبقه
ادخيلك ياسيد نوري
خلي مطشر يصلح قائد
موجان ايطبك فرفوري
نستورد قائد من بره
انجيبلكم وائل كفوري
ميزانيه راحت خلصت
داعش باكته وي الدوري
تحيا الدوله ونموت احنه
طكو راس الشعب ابوري
ـــــــــــــــــــــــــ ـــــــــــــــــــــــــ ـــــــــــــــــ



المضيعة ولد ميسد حظنهة .... الكوووون !!!
ـــــــــــــــــــــــــ ـــــــــــــــــــــــــ ــــــ
ليش يادنيا نسوني........احبابي


ـــــــــــــــــــــــــ ـــــــــــــــــــــــــ ــــ
مامعلوم ....
اسهر للصبح بس انت شابع نوم
مامعلوم....
يمكن لو طحت ماامد جفي عليك
و اتفرج وباوع حالي حال الكوم
مامعلوم ...
من شفت العشك متعلك اعله اللوح
وحزاز بركبته من الحبل مرسوم ..
تمنيت القيامه وانه احاسب بيك ....
واعفيها الخلك بس انته اكلك كوم
امشيك بجهنم ممشه عشر سنين
ومضاعف عليك الليله مية يوم ..
...
اتحايل عليك بكتلة العباس
وامليلك جربتك ماي من زقوم ...
ـــــــــــــــــــــــــ ـــــــــــــــــــــــــ ـــــــــــــــــــــ


چا وينكم ..مو گلتوا منطول شهر
جاوينكم شو مالكم بالدنيا اثر
موبس الدروب الشفتكم بيها
حتى الزواجل دورت رجليها
رد الاسير ! وانتو ما منكم خبر


ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ
يقولون دائما تصبح ع خير
انه بيا خير اصبح وانته مو يمي


ـــــــــــــــــــــــــ ـــــــــــــــــــــــــ ــــــــــــــــ


دار...و..دور..
وين اول معلم كال
دار..و....دور....
خلصت العمر ناطور...
دار شكد كتبت وماسكنت بدار
لاجيء في بلادي وغرب تبني قصور
يبني قصور غيري وعايـش ومرتاح
وانه ابني لشبابي الماتهنه اكبور
كالو دور اكتب ؟ كلت مامعقول
ماحصلت دار ..اتريـد احصل دور
رتاح
وانه ابني لشبابي الماتهنه اكبور
كالو دور اكتب ؟ كلت مامعقول
ماحصلت دار ..اتريـد احصل دور ؟؟
:::::::::::::::؟؟؟:::::::::::::::::::::




ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ


تجفي وكلت معذور صعبة ظروفك
دكت رجلها الروح هسه أرد اشوفك


ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ




معروف لو صب الدمع
ينشاف بس ما ينسمع
ليش انا دمعي بغيبتك فزز الناس الغافية ؟!!
وليش من اصيحك ما ترد؟؟
مو تدري كاتلني البرد ؟؟
واتلمس حلوكـ البشر وين الحجاية الدافية
أــــــــــــــــــــــــ ـــــــــــــــــــــــــ ـــــــــــــــــــــــــ ـــ


الورده الجنت اشمها ..... انباكت بذاك الخميس
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ

شكثر حاچيت گلبي عظ عضيته
وصبعي من الندامه عظ عضيته
طمعت بشفاف ولفي وعظ عضيته
موطا بحلگ جاهل صفت هيه
ـــــــــــــــــــــــــ ـــــــــــــــــــــــــ ـــــــــــــ
ماسولفولك من رحت !!
نافض كوامه اعله الهوه
وماسولفولك من رحت زاعلت
كلشي اسمه ضوه
وجم شرفه البوجه الشمس لمن رحت سديتها ...
وجم صوره بيها اضحك جنت من طولت شكيتها ...
وجم حسره وي سرب الهوه بذاك المطر هديتها ...
عيني بوداعك مابجت
بس هسه تدري اعله السطح وي الهدم شريتها ...
جم شامت ابعدك شفى
وجم نورس بشفتي اختفى
كبعت بعدك ضحكتي ولاهل الضحك زفيتها .
ـــــــــــــــــــــــــ ـــــــــــــــــــــــــ ـــــــــــــ

[Gogo alkordea]

حلواااااااااااات يسلموووووووووو

[الريم]

​رووووعة شكرًا لك