شـــُــــُـعًـــــــِّر
شـٌٌِِـِـٌـــعـٌٓـبــي
يغيابك حبيبي اشلون اصبر الروح
يا حال اليظل على حالي من تروح
جرحك بالكلب داويته بس ما طاب
وبطاري السفر زيدت قلبي اجروح
ما انساك لو سافرت عشر اسنين
وشوكت ما ترد باب القلب مفتوح
يمي انته واحس بيك ابعيد
وابد ما فكرت يجي يوم مني اتروح
صحيح اني كتلك سوي كلشي اتريد
بس على البعد كتلكهذا ما مسموح
النفس انته الاشمه ولو تروح شلون
شلونا تريد اعيش اني بلياك
واني اشتاقلك من انته موجود
من تبتع اظل لصبح ما انام
واذا ما تصدك نجوم السما شهود
اموت اني بغيابك لمن تروح
لن حبك بكلبي ماله حدود
يوم التسافر احجز لشخصين
لان ميم بالميه وياك قلبي ايروح
وشما تبتعد خليه دوم وياك
احس ما يظل بروحي بس مذبوح
شيبفالي بحياتي وانته ماموجود
بس هم واذيه والم وجروح
رسمك كمت اشوفه من اغمض العيون
ولو يعمن عيوني ما اضنه يروح
ما اريد احظنك لو صار الوداع
لان من اهدك تطلع الروح
عشكتك وادري اتعب ابحبك
رضيت بقسمتي وملهوفه تدريني
اريد اكضي العمر وياك
تدري انت بغيابك حيل تاذيني
عيني الما تشوفك تنعمي وللدوم
لان انت حبيبي فرحة اسنيني
تعال وخل اضمك حيل يهواي
وار يد ابكل حنانك انت تحويني
تعال وخل نطفي الفركه والنار
وعلى صدرك انام الليل خليني
طويناها صفحتك ونتهه الموضوع
فعل ماضي صفيت وخلصت المده
اشتتوقع ابوس اجدامك من تروح
واسحك كبريائي واطلب النجده
صح جدمي عثر من شفت طولك لاح
لاكن مانخيتك من طحت عمده
توجيت اعله جرحي وماطلبت العون
لان ادري اليطيح اجفوفه لتسنده
صح الكمر اكبر ونجوم ازغار
بس تحله السمه مو بالكمر وحده
واذا ساكت تره مو لان ماكو السان
مرات الصمت من الحجي ابده
وجف المايصافح جفك بالحساس
لا تعتب عليه وتنتخي بزنده
من اكتب شعر لاتعتقد بطران
البلابل بالقفص من ظيمهه مغرده
ماصدك بعد دمعاتك من اطيح
هم يهمل دمعهه العين لورمده
روح بلا وداع وكل اثر ماريد
اليكتب علرمل يعرف قدر كتبه
حرامات التعب للمايجازيك
وحرمات الوفه للطبعه خوان
جرحك بالملح تكدر تداويه
ويزيدك عطش لو جنت عطشان
شما تتعب على العكرب تربيه
يلدغك لو جنت لحظه غفلان
تترجه الوفه أي وين تلكيه ؟
وتتأمل تمر من جذع ذبلان
اصبر الروح بيش و انت بيه الروح
و اذا تطلع اظلن بس جسد خالي
لكيتك من جنت ما لاكي كل الناس
انت اول محب و انت صرت تالي
يلكلك محبه و انت احن مخلوق
معقوله الحمامه اتصير كتالي
صح ماكو بجمالك اني ادري بهاي
و روجه رقتك ما كظها اي جالي
حرام اعليك تزعل ونته الصوج
اجيك انه اعتذر و بلا ذنب خالي
تزعل ليش
غالي و كلشي عندي و ما اهدك دووم غالي
و هسه حبك جيف صرت غالي
احسك تختلف عن كل الناس بعيوني اشوفك علنجم عالي
و اشوفن دمعتك ما جنها تنزل ماي
ذهب تنزل دمعتك تجدح اتلالي
الك بستان عمري بكل ثمن مزروع
راضي بكلشي منك كلشي يحلالي
اجيك و من ارد فارغ ارد للغير
و عنب بس اعله مودك تارس اسلالي
يمك انسه روحي و من اكون وياك
و على فنجان شفتك تركع ادلالي
الواشي بلا بخت مرني و زعلك
اموت انه ولا يوم اجرحنك و زعلك
حلو كلك على بعضك و زعلك
بحلاتك فدوة بس ارضىعليه
رد مع اقتباس
المشاركة الأصلية كتبت بواسطة abas satar
