هلو شباب وبنات اليوم جبتلكم شعر واتمنى يعجبكم
الفتاة::
شلون لو فركوني عنك شلون لو ارحل بعيد
و بعد ما اشوفك يا فلان و انطر ادروب البريد
و انه لو ينطوني دنيا غير شوفك ما اريد
و غير حبك ما اريد
الشاب ::
والله ما افترك عنج انه ما عوفج وروح
انتي روحي و من يعيش بلايه روح
انه لو سدو طريقي و زرعو بدربي السيوف
و انتي ماطولج بكلبي كلبي ما يعرف الخوف
وحتى لو طفوا ضوايه اني بعيونج اشوف
الفتاة::
كلي لو غرك زماني ورافكت غيري حبيبه
ويا حبيب اينام ليله شلون لو فارك حبيبه
وياهو اليعوضني حبك انه من بعدك غريبه
الشاب::
ياهو اليعوض حنانج يأم حضن دافي وحنون
و ياهو اليبدل مكانج وغيبتج لا ما تهون
شلي بعيوني وضواها وشلي بيها الماتشوفج
و شلي بجفوفي ونفعها الفاركت لمست اجفوفج
الفتاة ::
شلون لو صار الوداع و فاركت اغلى الاحباب
و ودعت كل ذكرياتك وضااعت احلامك سراب
الشاب::
و الله امد طولي ويه طولج وصير موتتنه سويه
انتي بيتي وامنياتي و ياهو من بعدج اليه
المن اشيك بعد واشري العطور
و المن اتباها بعد و امشي فخور
والله اطلك الدنيا بعدج وما تخوفني المنيه
و بالثلاثه احلف عليها واكطع انفاسي بديه
رد مع اقتباس
