عندما تكون الجمرة تحت اقدام الامهات ...
قصيدة لسان حال ام في احدى اازدحامات بغداد طردها ولدها من البيت
لتبيع ( علج وتمسح جام السيارات ) ويريد منها مصروفا له وجدتها تنعي وتقول
الشلتة سنين ذبني بزدحامات
اغفة ع الرصيف شلون كلفة
ابيعن علج بس دمعي الاستفتاح
خفت يخلص وابيع النوب عفة
علئ العاكر اتباهة من يذكروك
كرة عيني اكولن عندي خلفة
خشنة جفوفي صارت كد مجديت
وانة الحتئ بمشيتي الخطوة ترفة
حليب الطاهرة ما غزر وياك ؟؟؟؟؟
عجب سبني لسانك ما يعرفة
صوتي ما يغزر.... لا دللول ....؟؟
بس هسة لساني اندار عزفة
وانة بطارف عباتي وامسح الجام
وانة المحد ذيالي يشوف طرفة
بعت ترجيتي خاطر بيهة احنيك
ومن بتوتي الك سويت زفة
من امد جفوفي اذكر الكاروك
احس تاه العمر هزة وي رجفة
ترست جيوبي منهم ..... الله ينطيج !!!!
جمرة الذلة بس جدمي تحفة
للشاعر الرائع
...... احمد ابو عراق ......
رد مع اقتباس
المشاركة الأصلية كتبت بواسطة sawsanmahmoud
