الدنيا غروب واشتاكيت سكته
(الدنيا غروب واشتاكيت سكته وردت اغني ... وبالفطرة لساني زل وطلعت من الساني مثل ماهي بكلبي)
مسية المافيا عليكم يهلنا
ودم الوادم بركبة جهلنا
جنه اصحاب ذمه وبالحجي اصعاب
هسه اعله السهل كلش سهلنا
.....
ما اتصور نكَلب صفحه
النهر يموت شما يزغر
وعمره ايكَصر لو لم جرحه
ظل خدران جروحك توجع
خاف تموت .. ااخدر لا تصحى
ماعرفك تضحك لو تبجي
ماعرفك عايش ,, لو ميت
يا شعبي شمالك شتهيس ؟
وشعليك انت ؟
طاح الريس .
صعد الريس .
كل مره.. وما فرجت مره
ونفس الشي هم تبقى مأيس
هم يبقى الحاكم سيف الله
ويبقى الدين يغذي السلطه
وبلم السلطه بدمنا مسيس
ومادام السنبل مايحجي
يظل وجه الحاكم فزاعة
وطيور الله بعازة حنطة
نسمع صوت ابره ,, وماكو ابره
من كدما عاشرنا السنطه
وصعبة العيشه اعله اهل العيشه
ومو غلطان الباع اهدومه
ومو غلطان الباع رسومه
الظل مستور اكبر غلطه
الظل يدافع عن (خط احمر )
بس ماواحد حمر خطه
والباعوا دمه ابجم درهم
ما يدري اشايل بالجنطه
رد مع اقتباس
