المـــــــــــــــــــوصل ((بقلمي))
الي ذكرى بالموصل عاشت اوياي
الي ذكرى بالموصل عاشت اوياي
لليوم انة اسولف بيهة ماناسي
مو بس بالي سكنت سكنت الروح
صورتها تدوور الهسة يم راسي
ابدي من الحضر كيارة والحمام
بير العذبة بعدة الهسة اباحساسي
مدخلها اباسم بغداد روح ابروح
تحمل كلب طيب مو كلب قاسي
من اذكر اسمها اترد اللي الروح
ابكنائسها احسها دكت اجراسي
بالمأمون جها اتشارك المنصور
مركب للعشك وسط البحر راسي
الدواسةاطبها واطب باب الطوب
السرج خانة من اطبها اتشارك انفاسي
الكسك والطيران السكر السواس
اجمل ذكريات وجوهر الماسي
ـــــــــــــــــ
الي بيهة مواقف انة بيهة
والي اصحاب كلها اي نباهة
الموصل بعدة يونس اي نبيهة
عراقية تضل حد المنية
ـــــــــــــــــــــــ
شفت صورة بجيت ودمعت العين
شفت بيهة مواقف تكسر الخاطر
شفت صورة نساء وتمشي طرك الثوب
تشيل اطفال باالهيمة وتهاجر
شفت شايب كعد كالولي مابي حيل
جدمة من التعب صاير مساطر
تفجيرات بيهة وموت جملة ايصير
جم كافر دخلها وضال كافر
مبيوعة اكيد الموصل اليوم
الباعوها ترى خانو ضماير
الماعندة ضمير الشرف عنة ابعيد
اكيد امة تسالة يكول عاهر
للغربة يبيع اباارضة ياحيف
شيتامل يصير بكاعة باجر
التاريخ شاهد عدل مامات
اليبيع اتراب ارضة دوم خاسر
#بقلمي المتواضع
رد مع اقتباس
المشاركة الأصلية كتبت بواسطة بحر الاحزان
