هنا مساحه حره لي أكتب مايجول في بالي
أدون خربشاتي كلماتي أشعاري وأقتباساتي
اليوم :_ الثلاثاء
الساعه :_ 1:18 ظهراً
2014/8/12
تحياتي للأخ سومر ..
هنا مساحه حره لي أكتب مايجول في بالي
أدون خربشاتي كلماتي أشعاري وأقتباساتي
اليوم :_ الثلاثاء
الساعه :_ 1:18 ظهراً
2014/8/12
تحياتي للأخ سومر ..
اخذ مني كلام ونـــــــــام مرتـــاح
اليعزك لا تظن ينساك فد يــــــــوم
يتمنى نفسه حمامه وتملك جناح
وعلى دارك يحط ساعات ويحــــوم
واذا ينساك تبقى تذكره الـجــــروح
وجرح البيه اسمك يظل ملجـــــوم
واذا گلك شكد شايلك اشــــــواق
تگله شلون تگدر تمشي وتـــگوم؟
كون ايصير كلشي بعمري بلمگلوب
وارضه بكل شي يطلع عن أصوله
كون أول حياتي الكبر والشـيــــب
وآخر لحظة من عمري الطفــــولة
احسبلي حياتك بالــــعـــــراق شـــلـــــــون
عشر سنين نوم تـــــروح مـــــن عــمــــــرك
وخمس سنين بس بالسيـــطــــــرات تـــروح
وخمس سنين موت اصـحــــابـــك يـــقــهرك
وسنتين اعـــتــــقــــد احـــــلام يقظه تفوت
وسنتين النــــــــدم عالغـــــدروا بظـــــهـــرك
وخمس سنين نسمع نشـــــرة الاخـــــبـــار
وما تلكـــه خـــــبــــــر من عدهــن يســـرك
وعشر سنين حــــــرب واحـتـــلال وضــيــم
وبكومة مــــشــــاكل يـــنــتـــرس فــكـــرك
شكد عمرك وصل؟ اي احسب انت وشوف
وكلي شكد عشت مرتــاح مــــــــــن عمرك
اذا جتك رسالة وبيها اموت عـليـــك
يعني المرسل اني وداعت عيونــك
وذا جتك رسالة بلايــــة عــنـــــوان
يعني احتار شكــتب واعرف شلونك
واذا جالك مسج بس كلش ازغيرون
يعني القلم يعجز يوصف عــــــيونك
واذا بعض الرسائل بيها مفقـــــــود
اذن مفقود عقلي وصرت مجنــونك
بعد شتريد اوصفك من اراسل بيك
اذا اهل الوصف حاروا يوصفــــــونك
اكو برمضان حكمة توجب الصـــوم
يحس بالجوع حتة الجان شبــعان
زين ابن الفقير احساسة شيصير ؟
اذا هوه قبل رمضـــان جـــوعــان
لاتعاشر شمس وتكول توفــــــي وياي
مو طبع الشمس للنـــــــــاس وفـــايه
ولا تأمن شخص لو شفته طيب السان
يرميلك سهم ويـــلفـــه بحــجـــايـــه
ولايغرك نهر لو شفتــه ازرك لــــــــون
ماتدري النهر انت شغــــــمك مايــــه
بس ازرع شجر ماتخسر انت بهـــــاي
لأن وكت التـــــــعب ترتاح بفـــيــايــه
وضل دور صديق يفيد وكـــــت الضيج
يوكفلك جسر ويــصـــــير تجايــــــــه
رؤؤؤؤعة
افتتاح موفق حيدر ..
متابعه ..
شكرا لك
رد مع اقتباس
