(((ومضات حديثة)))
ما اريدك بعد أنسة آنة احبك يوم
حبك آنة دسته وراح بالرجلين
بعد هيهات يرجع يوصل الصوبي
ـــــــــــــــــــــــــ ـ
قررت آنة دوم أتعيش مذلول
كفر انته أتكون بيوم مرتاح
أذا جنحك كمل وتحاول اطير
أجيك ابكل برود اكسرلك اجناح
_
أعرفك منهو آني وانته منهو اتكون
تجي وتبوس ايدي حتى اسامح
أبشرك شفت ثاني اهواي يسواك
الجفك لاتضن ارجع واصافح
بعد ما اخلي ايدي بأيدك أبيوم
وما اكلك كلام ايريحة بالك
أذلك من صدك حتى اضحك اعليك
من ايدك ترى كل الجرالك
_
شما تحلف بعد تبقى انته جذاب
والمثلك فلا يحمل كرامة
رخيص انته تضل مالك سعر دوم
ماتسوة أبد حتى ابتسامة
_
من عيني طحت مو دمعة بل ماي
ما يرجع بعد ماي التبدة
أذا يرجع أكلك أنته غلطان
وكتك فات من يمي وتعدة
_
وكتك لاتضن يرجع الي ابيوم
انساه آنة اكلك شاف غيرك
مو اللبالك اصلا أنته غلطان
بعد هيهات ارجع استشير ك
_
ضل وية الجهال وهذا معناك
أرجع من جديد الأصلك وشوف
جنت حلم ابحياتك هسة كابوس
كبل مرتاح لكن هسة بس خوف
_
تضل خايف وترجف مثل الأطفال
لعبة اتصير وبأيد الشماتة
ألواساك أصلا يضحك اعليك
ابغبائك أبد ماشاف ابحياته
_
تبقى أنته غبي ومضرب للامثال
صدكني يخايب هيج تبقى
من رافكت غيري ضنك احتار
جنت أنته بكتابي فقط ورقة
_
شكيت الكتاب وطارت اوراق
قسم اوراقي بالنار احركتهن
صفيت انته بحياتي بس شخابيط
هيج احروف منك ماردتهن
ــــــــــــــــ
من عفتك ألراحة ردت اوياي
أنام الليل غافي وبالي صافي
مو مثلك قلق بس تحسب انجوم
غيرك هسة عندي وبعد كافي
_
غيرك هسة عندي يسوة ملكاك
يحبني من صدك وياي دومة
أذا يفاركني لحضة يمكن ايموت
مو مثلك تصاحب دوم كومة
_
بس آنة يحبني ومخلص اوياي
غيري مايحب دوم ابحياته
أذا آنة أسكتت يسكت فرد نوب
مو مثلك يسولف يم شماته
_
أنته اوية الشماته واليكرهون
ماتسوون عندي ذرة اتراب
عندي آنة القلم محبوبي وأهواه
من صرت ودرت هوة اغلى الأحباب
ـــــــــــــــــــــــــ ـــــ
تحياتي اخوكم علي البدري
مجــــموعة مــــن الومضـــــات بقلمــــــي المتواضــــــــــع
رد مع اقتباس
المشاركة الأصلية كتبت بواسطة فهد الزيادي
