هنا

[حبيب القلوب البصراوي]

جــذع حمل رطــب والكـــاع نبعت ماي
وقــــرت عين مـريم حين شــــافــتهة
جذع حــــمل رطب والخيمة حملت نار
ونبعــــت عـــين زينب مـــن مصيـــبته
شالت عيسى مـــريم والـــكلب مخيوف
خــــافت لا تــجذب النـــاس قــــصتهة
وزينب شــــــالت ايــــد ونــادتك ربـــاه
اخذ كـــــــــل التريدة بذيـــــج محــنتة
مــريم عـــــدهة عيسى بالمهد حجاي
يرد اعــــلة اليسالة وذيـــج حـــجتهة
زينب عدهة دمعة تهد عرش فرعون
زينب عدهة نــــــــور اتلمة شيلتهة
زينب عدهة زينب مـــن تون وتنوح
زينب دمــــــعة الحـــوراء مسحتهة
مــــا شافو دمــــع لــمن تون وتنوح
بـــس شـــــافو سواد تصير دمعتهة
ستر دمعـــــة الحورة ولمت نـسوان
مـن عين الاجانب كلـــهة سترتهة
زينب والمصيبة تلابسن فــــد ثوب
مـــلتهة الــــمصيبة وهيــة حبتهة
على مخاد الحرير تنام هل نسوان
وزينب عل ونين تصير نـــومتهة
زينب عدهة كافل يشبه الـــــكرار
والكرار جــــــــان يفيي مشيتهة
عزتهة مــــطر وتــذل خشوم الكاع
طـــاحت وي جفوف الحـــيد عزتهة
حسن وحسين جانو ليهة مثل السور
راح الـــــسور وي ما جتلو خوتهة
ترة زينب بحر والبحر ماية هــواي
وظن كل الحجيتة بوصف كطرتهة
ابد لاتــكلي وحدة تشابه الحوراء
لان حـورائنة الزهــــــراء جابتهة
ابد لا تقارن انتة الشمس وية الغير
متحس بالشمس الـــــــــة ويغيبتهة
زينب شعلة ضـــــوت مسلك الاحرار
وقــــــــزام العصر متلوح شعلتهة
زينب عين مـــــاي ومايطمهة تراب
كـــــــل ما زاد طمهة تــزيد رقعتهة
زينب عالمة ومتعلمة من حسين
اذا امـهة البتول شــلون ربـــتهة
اذا والدهة حيدر جدهة طه الدين
احكام العبادى الزهرة رضعتهة
يل تنكر فضلهة ما اكلك ليـــــش
اكلك شوف امـك وين حشمتهة

[بركان حبك ياعلي]

السلام على الحوراء زينب شكرا جزيلاً اخي

[البصراويه]

قصيده رائعه شكراً لك

[Kasbar Al Bagdada]

ابداااااااااااع

[سجاد الدون]

رووووووووعه

[ولاية علي]

شكرا وبارك الله بيك اخي

تقييم

[كليوبترا]

السلام عليك ياأم المصائب (يابنت الزهراء)

[توتة المسيباوية]

رؤؤؤؤؤؤؤؤعة

[ملاك الاحساس]

ابد لاتــكلي وحدة تشابه الحوراء
لان حـورائنة الزهــــــراء جابتهة

رووووعات
سلام الله عليكِ سيدتي ومولاتي
عاش الذوق ايها المبدع
اكاليل الجوري لهطولك المميز
تحيتي

[ريييييمي]

احسنت
شكرا لك اخي
تقييمي