درر العراق

فقار الكرخي · 11/August/2014

والله ضوجة وحيل متكأب وراك
وشوف روتيني اشعمل بعصابي
وين اولي أوين من بعدك اروح
الوحشة كل صبح ومسة ادك بابي
جم كمر لوليتلة ونام بجفاك
اتغطة برموشي وتحضنة اهدابي
ويكف كاروكي وتفز كل الجروح
تصيح ويفر الهوى بدولابي
وتبقى بس الصفنة اجر بيها وانوح
عمي جا هلبت تعرف اسبابي
ووية كل طير اليمر ابعث سلام
ويرجع مغنتب وادز اعتابي
هسة صفحة فيسنة اشتعلت وراك
ومو فقط بالفيس وجت صفحتي
كلت ناوي اعلة البعد كل ضني هيج
اشوية وتردلي وترجع ضحكتي
ماجنت متصور تروح وتغيب
وبعد متمشط بجفك كذلتي
وتنكر البوسة وحضن مال اشتياق
شلون كلي اتهون عندك شمتي
بعدك بأتعس وضع صرت وبقيت
انتظرك اتعود وتررجع صحتي
غيري لو فكر بضلك الا امووووت
انتة لية ومو الغيري ومالتي
ردلي مو عررس على جروحي اللئيم
ودك دنابكت بالفرع دك شامتي
ردلي خل اكسر عيون الحاقدين
وتسمع الطرشان طكت صفكتي
والله ماضلي خلك بالبيت اعيش
وذكرياتك ما اتفارك غرفتي
على الحايط صورة اخذناها ومشيت
ومن كثر ما سولفت وي صفنتي
نزلتها وكسرت عيون المكان
ردلي خل ارجع اعلك صورتي