هنا

[ارجع يازمان]

أبوذيات حسين الساعدي الجزء السابع عشر
//////////////

وي ونعمت عيني إعليك ---وي وي
اجه الشامت وكلبي ابنار --وي وي
هز ايده اعله جرحي وصاح -وي وي
جرحك لو يطيب اعتب عليه
االساعدي
_______________________________
تمسَك بالتشوفه اوياك هد هد
وهد الما فزع وياك هد هد
و الكاشف قصر بلقيس هد هد
الفخر مو بلضخامه ابهل قضيه!
الساعدي
----------------------
كالولي الشعر محسوب فن فن
وفنه اليكدر ايجاريك فن فن
انفن يا عيوني الدمع فنفن
وكولن ما بجينه ابهل مسيه
ااالساعدي
_________________________
الليله الغيم فوك الكُمر غمغم
كلبي ابهلكسوف اشكثر غم غم
بيدك عليخون الطيب غم غم
غمه ابكل صباح وكل مسيه
االساعدي
____________
أجيب اطنون من اهموم طن طن
اويا طنت حديد ابيوم طن طن
ياهو البذنك اعله الهجر طن طن
وعفتني وما دريت اشصار بيه!
ااالساعدي
____________________
بصرارك وريدك بعد --صر صر
تمسَك بالوفي الوياك- صر صر
وِعتبره الغدَر بالناس -صرصر
ودوسه ابخطوتك فوك الثنيه
ااالساعدي
-----------------------------------------
جاب الزاد كال ابساع سَم سم
خبز ومكسب إورشاه سمسم
وشمَدريني حط وياه سم سم
وبكثر الثقه سمه عليه!
االساعدي
--------------------------------------------
ظهري من دروب الشوك حبحب
وصوج الكلب من الزغر حب حب
اكله علج كام ايصيح حب حب
أويلي الكلب من يلعب عليه!
ااالساعدي
_________________________
طر الدرب للدلال طر طر
وبكيفك ابسفك غاد طر طر
تدري اليوم من الفجر طر طر
طلعلي الشمس ويه المنيه
االساعدي
---------------------------------------
سر ابهل طريق ابساع سر سر
وشكد ما تسر الناس سر سر
ويالك لا تبيع ابيوم سر سر
وبيرك مو أمان ابنصه حيه!
االساعدي
______________________________
الزمن ما خله للألام حد حد
ولاني وسيفه فوك الراس حد حد
وأويلي ابيوم شفت الظعن حد حد
كلتله استعجل ابجيت المنيه
ااالساعدي
_______________________________
رد بابك ابوجه الضيم رد رد
ولترد لو يكلك يوم رد رد
سألتك والجواب ابساع رد رد
يرد الراح لو ما منه جيه!
االساعدي
------------------------
بط الجبد هذا الجاي بط بط
ويتسله اويدمع العين بط بط
هم ربيت مثل الناس بط بط
لفن شط الشماته وكصن بيه
االساعدي
________________________
شجاك و ماعدت من كلت عد عد
هاك احسب اجروح الروح عد عد
إذا رايد تَعَرف الصدك عدعد
كلبي وما تهنه ابهل وطيه
ااالساعدي
______________________
تلميحك وصل للعقل طخ طخ
علكت والرمي ابدنياك طخ طخ
لا توكف ابطولك بعد طخ طخ
واحفرلك كبر قبل المنيه
ااالساعدي
_____________________
دلالي ابلهفته اعليك رف رف
والخانات الك بالروح رف رف
رافعلك علم عالدار رفرف
يدليك اعله داري ابهل مسيه
ااالساعدي
__________________________
حشاش الزمن وياي حَشحش
كَبرني زرع وانوب حش حش
ماكو غمه باالطيبيين حش حش
حشه الطيبيين من هاي الرديه
ااالساعدي
________________________
صعبه وماتشوف الهاي حل حل
وحيلك من وره العافوك حلحل
أبشرك بالتنطره يحل حل حل
كلتله البيك كال أنه اشعليه!
ااالساعدي
________________________
ربيت الجروح ابعمر دك دك
يدِكَن حيل بالدلال دك دك
أبشرك شامتي بطبول دكدك
عرف يومين ما تسئل عليه
ااالساعدي
-----------------------------
أحجي اوياك مو بالمزح جد جد
احبك لو صرت بالعمر جد جد
كالوا يلكه البدنياه جد جد
أشو جديت ماوجدوك اليه!
االساعدي
_____________________________
شَريت الهدم بالدمع شر شر
من العينه تجدح دوم شر شر
إشري الزين لو بالروح شرشر
ولا تشري الردي المابي حميه
ااالساعدي
______________________________
صحيح انتَ والك ناديت صح صح
وغافي الكلب وبجيتك صحصح
إذا طيفك يصح والوصل صحصح
احمد ربي كل صبح ومسيه
ااالساعدي
___________________________
حَي اللي اجه اتعناك حي حي
وصَلتك جنت ادور اعليك حي حي
ميت لكن انت اتشوف حي حي
انعم الله اعله الهدم ساتر عليه
ااالساعدي
------------------------------------
كلبي الوكع بيدك حله حله
وصحت بصره ويكلي حله حله
الشاي ابغير سكر حله حله
اذا ضكته العسل يتصفه اليه
/////////
بقلم
الشاعر حسين الساعدي

[نغمة الصمت]

رؤؤؤؤؤؤؤؤؤعه

[Kasbar Al Bagdada]

ابداااااااااااااااااع