هنا

[ارجع يازمان]

اتصير يم الله حلال!!
حسين الساعدي
×××××


جَمعيتك كلمه كلمه
وكوه رهمتك قصيده
حافي والحرثه كزازه وأنه اكللك بعيده!
وبصيامي ومشتهيك
وهاكثر واتوازه بيك!
وهاكثر ومحارب الروح العنيده!
ظامك وكت الافطار
وبالحلال وانتظر ليله جديده!
وأنتضر وكت الغروب
وياشمسنا الجنهه صوره اتطول ابيومي وتزيده!
ساعه ويصيح المؤذن
تكدر اتضوك التريده!
وانتظرتك توصل ابصوت الأذان
والك مشتاكه السوالف ويه كل ذاك المكان!
إوصَبرت روحي العنيده
إوما اجيتك!
حته احافظ عالجمال
البي جواب الكل سؤال
وحتى لمسات العوافي اتصير يم الله حلال!
هاكثر والروح هامت
إوذَن وشفتك اجيت
اوياك شامت!
ويدك الفرحانه بيده!! !
وقشمرت روحي الشهيده!
سوربت عيني تره وشافت هضايم!
إومافطرت الهسه صايم
زاعلت حته جمالك
وكلبك الخالف
حلالك
ثاري كلش مايفيده!
ثاري كلش مايفيده
حسين الساعدي

[محمد الساري]

شكراااااااا جميل جداااااااا