تصح ومضة شعر تسوه الدواوين
ويصح ديوان مايفرش حصيرة
وتصح كومة زلم ماتسوة فلسين
ويصح مثلك منتدى يسوة عشيرة
=======================================
انت لو ماكو بحياتي الضحكة
عن وجهي تروح
مو حبيب .انطاني. ربي
انة. ربي. انطاني روح
--------------------------------------------------------------------
ماسولفولك من رحت !!
نافض كوامه اعله الهوه
وماسولفولك من رحت زاعلت
كلشي اسمه ضوه
وجم شرفه البوجه الشمس لمن رحت سديتها ...
وجم صوره بيها اضحك جنت من طولت شكيتها ...
وجم حسره وي سرب الهوه بذاك المطر هديتها ...
عيني بوداعك مابجت
بس هسه تدري اعله السطح وي الهدم شريتها ...
جم شامت ابعدك شفى
وجم نورس بشفتي اختفى
كبعت بعدك ضحكتي ولاهل الضحك زفيتها ...
================================================
مٌاعٌندٌيُ گلُبٌ بغٌياٌبكٌ يعيٌــــــشٌ
گلبٌي بغٌيبتكٌ منٌ صٌدريٌ شُلتُهٌ
واذا عندك گلب يتحمـــــل فراگ
دگلي منين گلبك هـــــذا جبته
جاوبني دخيلك والله مـــشتاگ
جد جدي بغيابك والله شــــفته
======================================
ملك الموت بينه تفــنــــــــن فنــــــــون
موت مخربط وعادي ورئــــــاســــــــــي
ملك المـــــوت مـــــل من العراقييـــــن
منكد ما قبض بارواح نـــــاســــــــــــي
كاسات الدول متروســـــــــه ماي افراح
ليش من الحزن ماتخله كاســــــــــــي
العراقي يظل عراقي ويبقــــــــه مظلوم
لو كل الدول تنطيه جــــــــناســــــــــي
اذا ابن الوطـــــــــن بالاحتـــــياط ايصـــير
من حقه العــــــــــدو يلعب اساســـــي
===================================
رد مع اقتباس
