هذا العراق يظل شمس مايطفى نوره
لازم يعود بحيله امس يعلي سوره
ترجع الدنيا معجبة وتريد بس تصاحبه
بعيونها تبوسه تجي وتاخذله صورة
بغداد حبچ بالگلب وانتي الوحيدة
المايريد الخير الچ لامانريده
انتي حبيبة مدللة آخر الحب وأوله
لو واحد بشعرچ لعب نگصله إيده
شمالك جنوبك والوسط كلك وطننـة
وبيوت كل أهلك ترة بيوت أهلنة
مثلك ولا شفنة بلد دورنة مالگينة أبد
لو نطلب عيونه يجي وينطيهة إلنة
ياعگال راس أهل الفخر وأهل الشهامة
يالبيك كل ذرة رمل عزة وكرامة
نضويلك دروبك شمع من عينك ننشف الدمع
ميلوگلك غير الفرح والإبتسامة
هذا العراق يظل شمس مايطفى نوره
لازم يعود بحيله نسر يعلي سوره
ترجع الدنيا معجبة وتريد بس تصاحبه
بعيونها تبوسه تجي وتاخذله صورة
رد مع اقتباس
المشاركة الأصلية كتبت بواسطة الريم
